رەسپۋبليكا حالقىنىڭ اراسىندا جۇرگىزىلەتىن پروفيلاكتيكالىق جانە ەپيدەمياعا قارسى شارالاردىڭ ناتيجەسىندە 42 ينفەكسيالىق اۋرۋ تىركەلمەگەن، ونىڭ ىشىندە: وبا، تىرىسقاق، ديفتەريا، پوليوميەليت، ءسىبىر ويىق جاراسى، ءىش سۇزەگى، قۇتىرۋ، تۋليارەميا، سىرەسپە.
26 ينفەكسيا، ونىڭ ىشىندە كوروناۆيرۋس ينفەكسياسى 5 ەسە، سكارلاتينا 27،5%-عا، برۋسەللەز 24،9%-عا، اۋىز ۆيرۋسى ينفەكسياسى 23%-عا، ەحينوكوككوز جانە ليامبليوز 20،7%-عا، ەنتەروبيوز 15،5%-عا، سالمونەللەز 9%-عا تومەندەدى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنە سىلتەمە جاساپ.
2024 جىلعى اقپاندا قاڭتارمەن سالىستىرعاندا قىزىلشامەن سىرقاتتانۋشىلىقتىڭ 33%-عا تومەندەۋى بايقالادى. سىرقاتتانۋشىلىق ەگىلمەگەن بالالاردىڭ ەسەبىنەن تىركەلەدى، بۇل سىرقاتتانعان بالالار سانىنىڭ 83% -ىن قۇرايدى.
سونىمەن قاتار، كوكجوتەلمەن سىرقاتتانۋشىلىقتىڭ ءوسۋى تىركەلدى. كوكجوتەلمەن اۋىراتىنداردىڭ 91%-ى ەگىلمەگەن بالالار. كوكجوتەلمەن سىرقاتتانۋشىلىقتىڭ ءوسۋى جوسپارلى ۆاكسيناسيالاۋدى وتكىزىپ الۋ جانە ۆاكسيناسيالاۋدان باس تارتۋدىڭ سەبەبىنەن ۇجىمدىق يممۋنيتەتىنىڭ تومەندەۋىمەن بايلانىستى.
ۆاكسيناسيالاۋ جۇرگىزىلەتىن ينفەكسيالىق اۋرۋلاردىڭ الدىن الۋ ماقساتىندا اتا-انالارعا بالالارىندا ەكپەلەردىڭ بولۋىنا نازار اۋدارۋدى ۇسىنامىز. ۆاكسيناسيالاۋ بولماعان جاعدايدا، تىركەلگەن جەرى بويىنشا مەديسينالىق ۇيىمنان ەكپە الۋ كەرەك.