قازاقستان كومىر ەكسپورتىنىڭ 62%-ى رەسەيگە جىبەرىلەدى.
بيىلعى جىلدىڭ قاڭتار–شىلدە ايلارىندا قازاقستاندا 66،4 ملن توننا تاس كومىر، قوڭىر كومىر جانە كومىر كونسەنتراتى ءوندىرىلدى، بۇل 2021 جىلدىڭ سايكەس كەزەڭىمەن سالىستىرعاندا 5،8% ارتىق، دەپ حابارلايدى Almaty-akshamy.kz Energyprom.kz-كە سىلتەمە جاساپ.
سەكتور ءوندىرىسىنىڭ 92،6%ء-ى تىكەلەي تاس كومىردەن الىندى: 61،5 ملن توننا. ونىڭ ىشىندە جىلۋ كومىرىن ءوندىرىسى 9،3 ملن توننانى، كوكستەۋ 4،5 ملن توننانى قۇرادى. قوڭىر كومىر (ليگنيت) 2،6 ملن توننانى، كومىر كونسەنتراتى 2،3 ملن توننانى قۇرادى.
وڭىرلەر بويىنشا ءوندىرىستىڭ ەڭ ۇلكەن كولەمى ءداستۇرلى تۇردە پاۆلودار وبلىسىنا تيەسىلى: 39 ملن توننا، بىلتىرعىدان 5% ارتىق. ودان كەيىن، كۇتكەندەي، قاراعاندى وبلىسى: 21،3 ملن توننا.
«2022 جىلدىڭ قاڭتار–ماۋسىم ايلارىنىڭ قورىتىندىسى بويىنشا، قازاقستان كومىرگە دەگەن سۇرانىستى (ىشكى نارىقتا ساتۋ جانە ەكسپورت) تولىعىمەن دەرلىك قاناعاتتاندىردى. كومىر رەسۋرستارىنىڭ 30%-كە جۋىعى ەكسپورتقا شىعارىلدى: قۇنى 457،4 ملن اقش دوللارىنا 16،4 ملن توننا. ءوسىم فيزيكالىق ماندە 20،8%، اقشالاي تۇردە 2،1 ەسە بولدى»، - دەلىنگەن اقپاراتتا.
قازاقستان تمد ەلدەرىنە تاس كومىردىڭ ەڭ كوپ كولەمىن جەتكىزدى: 156،2 ملن اقش دوللارىنا 10،9 ملن توننا. اتاپ ايتقاندا، جالپى ەكسپورت كولەمىنىڭ 62،2%ء-ى رەسەيگە تيەسىلى. ءۇش نەگىزگى يمپورتتاۋشىلاردىڭ قاتارىنا قىرعىزستان مەن وزبەكستان دا كىردى.
تمد-دان تىس ەلدەرگە قازاقستان 301،2 ملن اقش دوللارىنا 5،4 ملن توننا كومىر ەكسپورتتادى. مۇندا شۆەيساريا نەگىزگى تۇتىنۋشى: 3،7 ملن توننا، جىلدىق 73،1% ءوسىم.
يندۋستريا جانە ينفراقۇرىلىمدىق دامۋ مينيسترلىگى وبلىستار مەن رەسپۋبليكالىق ماڭىزى بار قالالار جاعدايىندا 2022-2023 جىلدارعا ارنالعان كومىرگە سۇرانىس جوسپارىن قالىپتاستىردى. بيۋدجەتتىك ۇيىمدار مەن تۇرعىندار ءۇشىن كومىردى الدىن الا دايىنداۋدى كوزدەيتىن جول كارتاسى ازىرلەندى. جوسپار بويىنشا تۇتىنۋ كولەمى شامامەن 9،6 ملن توننانى قۇرايدى، ونىڭ 2،6 ملن تونناسى بيۋدجەتتىك سەكتورعا، 7 ملن تونناسى حالىققا تيەسىلى. بيىلعى جىلدىڭ 7 ايىندا حالىق پەن بيۋدجەتتىك ۇيىمدارعا 4،5 ملن توننا جونەلتىلدى، بۇل وتكەن جىلدىڭ سايكەس كەزەڭىمەن سالىستىرعاندا 10% ارتىق.
سونىمەن قاتار، وتكەن جىلعى حالىققا ارنالعان الەۋمەتتىك كومىردى ارنايى تاريفتەر بويىنشا ەكسپورتتاۋ فاكتىلەرىن ەسكەرە وتىرىپ، كومىردى اۆتوموبيل كولىگىمەن اكەتۋگە تىيىم سالۋ تۋرالى بۇيرىق ازىرلەندى. تەمىرجول كولىگىندە ەشقانداي شەكتەۋلەر جوق.