قازاقستان جولدارىنداعى 100 كولىكتىڭ 64ء-ى - قوقىس.
ءقازىر ەلگە «جاڭا» كولىك اكەلەتىن بولساڭىز، قوزعالتقىش كولەمىنە بايلانىستى سوڭعى قۇنىنا 459،5 مىڭنان 3،5 ملن. تەڭگەگە دەيىن اقشا قوسىلادى، دەپ حابارلايدى Almaty-akshamy.kz Finprom.kz سايتىنا سىلتەمە جاساپ.
2021 جىلدىڭ قازان ايىنىڭ سوڭىندا قازاقستان رەسپۋبليكاسىنىڭ جولدارىندا 3،8 ملن اۆتوكولىك تىركەلگەن، بۇل 2020 جىلدىڭ وسى كەزەڭىمەن سالىستىرعاندا 2،6%-عا (نەمەسە 100،7 مىڭعا) از. ونىڭ 94،5%-ى، ياعني 3،6 ملن اۆتوكولىك – جەكە تۇلعالاردىڭ اۆتوكولىكتەرى، بۇل ءبىر جىل بۇرىنعىدان 96،6 مىڭعا از.
تىركەلگەن جەڭىل كولىكتەردىڭ ۇشتەن ەكىسىنە جۋىعى، ياعني 2،4 ميلليونى قوزعالتقىشىنىڭ كولەمى 1،1 مىڭنان 2 مىڭ تەكشە مەترگە دەيىنگى اۆتوموبيلدەرگە تيەسىلى. بۇل كولىكتەردىڭ دە سانى ءبىر جىل ىشىندە 3،3%-عا ازايدى.
ولاردان كەيىنگى ورىندا قوزعالتقىش كولەمى 2000-نان 3000 تەكشە مەترگە دەيىنگى اۆتوكولىكتەر كەلەدى: 1،1 ملن، بۇل – 2020 جىلدىڭ قازان ايىمەن سالىستىرعاندا 2،1%-عا از. قوزعالتقىش كولەمى 3 مىڭ تەكشە مەتردەن اساتىن اۆتوكولىكتەر سانى 200،9 مىڭ اۆتوكولىكتى قۇرادى – ءبىر جىل بۇرىنعىدان 1،5%-عا از. قوزعالتقىش كولەمى 1،1 مىڭ تەكشە مەترگە دەيىن شاعىن اۆتوموبيلدەر نەبارى 46،9 مىڭ اۆتوكولىكتى قۇرادى، بۇل 2020 جىلدىڭ قازان ايىمەن سالىستىرعاندا 2%-عا از.
تىركەلگەن اۆتوكولىكتەر سانى قوزعالتقىش كولەمىنە قاراماستان قىسقارادى. سونىمەن قاتار، جاڭا اۆتوكولىكتەر سانىنىڭ 12%-عا دەرلىك وسكەنىنە قاراماستان، ولاردىڭ ۇلەسى نەبارى 13،4%-دى نەمەسە 506،8 مىڭ ءاۆتوموبيلدى قۇرادى؛ ونىڭ ۇستىنە 5 جىل بۇرىن ولاردىڭ سانى 15% نەمەسە 589،8 مىڭ اۆتوكولىك بولعان.
قازاقستان جولدارىندا جۇرىلگەنىنە 10 جىلدان اسقان اۆتوكولىكتەردىڭ سانى باسقالارىنان گورى كوبىرەك، ءبىر جىل ىشىندە 4،4%-عا (نەمەسە 111 مىڭعا) ازايىپ، 2،4 ملن اۆتوكولىك بولدى. 3 جىلدان 7 جىلعا دەيىنگى جۇرىلگەن اۆتوكولىكتەر سانى ءبىر جىلدا 12،7%-عا ازايىپ، 508،8 مىڭ بولسا، 7 جىلدان 10 جىلعا دەيىنگى جۇرىلگەن اۆتوكولىكتەر سانى بىردەن 16،2%-عا ءوسىپ، 304،7 مىڭ اۆتوكولىكتى قۇرادى.
سونىمەن قاتار، كولىكتەردىڭ قۇنى وسۋدە. وسىلايشا، 2021 جىلعى قاڭتار-جەلتوقساندا ولاردىڭ باعاسى 2020 جىلدىڭ وسى كەزەڭىمەن سالىستىرعاندا 10،6%-عا ءوستى. باعانىڭ قىمباتتاۋىنا جارتىلاي وتكىزگىشتەردىڭ تاپشىلىعى، مەتالداردىڭ قىمباتتاۋى جانە لوگيستيكالىق داعدارىس اسەر ەتتى. دەگەنمەن، 2017-2020 جىلدار ارالىعىندا اۆتوكولىك باعاسىنىڭ جىلدىق ءوسىمى 8،1%-دان 8،8%-عا دەيىنگى ارالىقتا بولعان.
2016 جىلدىڭ 1 قاڭتارىنان باستاپ «روپ وپەراتور» ج ش س جاۋاپتى بولاتىن كولىك قۇرالىن قازاقستان رەسپۋبليكاسىنا اكەلۋ ءۇشىن مىندەتتى ۋتيل الىمى الىنىپ كەلدى. 2022 جىلدىڭ 1 قاڭتارىنان باستاپ اۆتوكولىكتەردىڭ قوزعالتقىشىنىڭ كولەمىنە بايلانىستى الىم سوماسى 459،5 مىڭ تەڭگەدەن 3،5 ميلليون تەڭگەگە دەيىن بولادى، بۇل كولىكتىڭ سوڭعى قۇنىنا سالىنادى. ونىڭ ۇستىنە «حابار24» اگەنتتىگىنىڭ حابارلاۋىنشا، «تاۋەلسىز اۆتوكولىك وداعىنىڭ» ءتوراعاسى ە.ەدوكوۆتىڭ ايتۋىنشا، ەۋروپادا مۇنداي تولەم شامامەن 200 ەۋرونى (شامامەن 100 مىڭ تەڭگە) قۇرايدى.
2020 جىلدىڭ قورىتىندىسى بويىنشا، ۋتيل الىمى ەنگىزىلگەننەن بەرى قازاقستانعا اكەلىنەتىن جىل سايىنعى اۆتوكولىك يمپورتى ورتا ەسەپپەن 31،8 مىڭ دانانى قۇرادى.
سالىستىرۋ ءۇشىن: 2015 جىلى ەلىمىزگە 71،1 مىڭ، ال 2014 جىلى 168،4 مىڭ اۆتوكولىك اكەلىنسە، بۇل رەتتە وتكەن جىلدىڭ 10 ايىندا قازاقستانعا نەبارى 82،4 مىڭ كولىك اكەلىنگەن.
قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ تا «روپ وپەراتور» ج ش س جۇمىسىنىڭ اشىقتىعىنا كۇمان كەلتىردى. ول ۇكىمەتىكە ۋتيل الىمىن توقتاتۋدى تاپسىردى. تاريفتەردىڭ وزدەرى قايتا قارالۋى كەرەك.