قازاقستاندا كولىكتەردى تىركەۋ جۇيەسى جاڭارتىلادى

بۇگىندە جۇك كولىكتەرى مەن اۆتوبۋستاردى زاڭسىز ەسەپكە قويۋ فاكتىلەرى جيىلەپ كەتتى.

قازاقستانداعى مامانداندىرىلعان حقكو-لاردا جۇك كولىكتەرىن، اۆتوبۋستاردى جانە باسقا دا كولىكتەردى ەسەپكە قويۋدىڭ زاڭدىلىعىن تەكسەرۋ شارالارى باستالدى، دەپ حابارلايدى Almaty-akshamy.kz قازاقستان قارجىلىق مونيتورينگ اگەنتتىگىنە سىلتەمە جاساپ.

رەسمي مالىمەتكە سايكەس، 2023 جىلدىڭ تامىز ايىنان بەرى 23 قىلمىستىق ءىس تىركەلدى. وسى ىستەر بويىنشا 3 مىڭعا جۋىق اۆتوكولىك زاڭسىز تىركەلگەن. ال مەملەكەتكە كەلگەن زالالدىڭ كولەمى 14 ملرد تەڭگەدەن استى.

وسىعان بايلانىستى قارجىلىق مونيتورينگ اگەنتتىگى، سيفرلىق دامۋ مينيسترلىگى مەن "ازاماتتارعا ارنالعان ۇكىمەت" وكىلدەرىنىڭ جۇمىس كەزدەسۋىن وتكىزدى. بۇگىنگى تاڭدا الاياقتار 4 نەگىزگى سحەما قولدانىپ جاتادى.

سيفرلاندىرۋ ۆيسە-مينيسترى اسقار جانباكيننىڭ ايتۋىنشا، قازىرگى كەزدە اقپاراتتىق جۇيەلەردىڭ ينتەگراسياسى تولىعىمەن جاسالدى. سونىڭ ارقاسىندا VIN ەنگىزۋ كەزىندە اۆتو تۋرالى بارلىق دەرەكتەر اۆتوماتتى تۇردە اقپاراتتىق جۇيەدەن تارتۋعا جانە تولەنۋگە جاتاتىن الىمدار مەن تولەمدەردى ەسەپتەۋگە مۇمكىندىك بار.

ءبىراق حقكو ماماندارى بارلىق دەرەكتى وزدەرى ەنگىزەدى. ال جۇيەنى جاڭارتۋدىڭ ناتيجەسىندە اۆتوكولىك تۋرالى دەرەكتەردى قولمەن قاجەتى بولماي قالادى.