ءبىر اي بويى ماماندار اقبوكەندەردىڭ سانىن انىقتاۋ جۇمىستارىن جۇرگىزەدى.
بيىل ولاردىڭ سانى 1،5 ميلليونعا جۋىقتاۋى مۇمكىن دەگەن بولجام جاسالدى، دەپ حابارلايدى Almaty-akshamy.kz الماتى ارناسىنا سىلتەمە جاساپ.
الايدا جانۋاردىڭ مۇيىزىنە قىزىعىپ، اتىپ الۋدان تايىنبايتىن قاسكويلەردەن تونگەن ءقاۋىپ تە ازايار ەمەس. ءقازىر ولاردىڭ تولدەيتىن ۋاقىتى. ياعني ەسەپكە الۋعا ناعىز ىڭعايلى كەزەڭ. بەتپاقدالا پوپۋلياسياسىندا وتكەن جىلى 300 مىڭعا جۋىق اقبوكەن تىركەلگەن. بيىل ولاردىڭ سانى ودان دا كوپ بولادى دەپ بولجام جاساپ وتىر ماماندار. ءقازىر جانۋارلاردى كۇندەلىكتى اۋەدەن باقىلاپ، ساناۋ جۇمىستارىن جۇرگىزۋدە.
ماماندار جىلىنا ءبىر رەت ءدال وسىلاي اقبوكەندەردى اۋەدەن بارلايدى. ارنايى قۇرىلعى ارقىلى كيىكتەردىڭ سانى انىقتالادى. بەتپاقدالا پوپۋلياسياسى اقبوكەندەر سانىنىڭ كوپتىگىمەن ەرەكشەلەنەدى. قۇرامىنا قاراعاندى، اقمولا، پاۆلودار، قوستاناي وبلىستارى كىرەدى. جالپى اۋماعى - 56 ميلليون گەكتار جەر.
جالپى، كيىكتەردىڭ مەكەن ەتۋى بەتپاقدالا، ءۇستىرت جانە ورال پوپۋلياسيالارىنا بولىنەدى. بۇل – ەلىمىزدىڭ بارلىق وڭىرلەرى اقبوكەندەر مەكەنىنە اينالىپ جاتقانىنىڭ ايعاعى. بيىل اۋەدە كيىكتەرگە ساناق جۇرگىزۋ ءۇشىن 200 ساعات بولىنگەن.