قازاقستاندا «كيىك» اكسياسى باستالدى

كيىكتى زاڭسىز اۋلاعاندار 10 جىلعا دەيىن بوستاندىعىنان ايىرىلادى. 

قازاقستاننىڭ ەكولوگيا، گەولوگيا جانە تابيعي رەسۋرستار مينيسترلىگى ەل بويىنشا «كيىك» اكسياسى باستالعانىن جاريالاپ، براكونەرلەرگە 10 جىلعا دەيىن باس بوستاندىعىنان ايىرۋ جازاسى قاراستىرىلعانىن ەسكە سالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

رەيد بارىسىندا كيىكتەردى زاڭسىز اۋلاۋ فاكتىلەرىن انىقتاۋ جانە الدىن الۋ بويىنشا جۇمىستار جۇرگىزىلەدى.

تابيعاتتى قورعاۋعا باعىتتالعان كەڭ اۋقىمدى اكسيا جىلىنا ەكى رەت وتكىزىلەدى – كيىكتەردىڭ كۇيلەۋ كەزەڭىندە، ياعني 1 جەلتوقساننان 31 جەلتوقسانعا دەيىن جانە ولاردىڭ تولدەۋ كەزەڭىندە – 15 ءساۋىر-15 مامىر ارالىعىندا. 

«كيىك اكسياسىنا «وحوتزووپروم» ءوب» رمقك-نىڭ 224 ينسپەكتورى، سونىمەن قاتار ق ر ەگترم ورمان شارۋاشىلىعى جانە جانۋارلار دۇنيەسى كوميتەتىنىڭ اۋماقتىق بولىمشەلەرى مەن قۇقىق قورعاۋ ورگاندارى قىزمەتكەرلەرىنەن تۇراتىن ءموبيلدى توپتار قاتىسادى. ەسكە سالايىق، كيىكتەردى زاڭسىز اۋلاۋ، ساتىپ الۋ، ساقتاۋ، وتكىزۋ، تاسىمالداۋ ءۇشىن مۇلكى تاركىلەنىپ، 3 جىلدان 10 جىلعا دەيىن باس بوستاندىعىنان ايىرىلۋ جازاسى قاراستىرىلعان»، - دەلىنگەن مينيسترلىك حابارلاماسىندا.