ۇلتتىق عىلىم اكادەمياسىنىڭ ءرولى ارتپاق
ەلىمىزدە كەيبىر عالىمدارعا ءومىر بويى ستيپەنديا تولەۋ ماسەلەسى قارالىپ جاتىر. بۇل تۋرالى ق ر عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«ۇلتتىق عىلىم اكادەمياسىنىڭ ءرولىن ارتتىرىپ، مەملەكەتتىك مارتەبە بەرۋ – عىلىمدى ءتيىمدى باسقارۋدىڭ جانە عىلىمي-تەحنولوگيالىق جۇيەنى ۇيلەستىرۋدىڭ قاجەتتى شارتى. ءقازىر ءبىزدىڭ مينيسترلىك ۇلتتىق عىلىم اكادەمياسىنىڭ قىزمەتىن تۇبەگەيلى وزگەرتۋ جۇمىسى كەزەڭ-كەزەڭىمەن ءجۇرىپ جاتىر. اتاپ ايتقاندا، ۇلتتىق عىلىم اكادەمياسىن مەملەكەتتىڭ (كەاق) 100% قاتىسۋىمەن كوممەرسيالىق ەمەس اكسيونەرلىك قوعام رەتىندەي قۇرۋ. بۇل وكىلەتتىكتىڭ ءبىر بولىگىن مۇشەلەردىڭ جالپى جينالىسىنا بەرۋگە مۇمكىندىك بەرەدى. سونىمەن قاتار ق ر ۇعا-نىڭ ەداۋىر دەربەستىگىن قامتاماسىز ەتەدى»، - دەدى ساياسات نۇربەك ەلوردادا ءوتىپ جاتقان «ادامي كاپيتال – جاڭا قازاقستان دامۋىنىڭ نەگىزگى رەسۋرسى» اتتى عىلىم جانە جوعارى ءبىلىم فورۋمىندا.
سونداي-اق، مينيستر اكادەميا مۇشەلەرى اۆتوماتتى تۇردە اۋىستىرىلىپ، جاڭا مۇشەلەردىڭ سايلاناتىنى تۋرالى ايتتى.
«ودان بولەك، جاڭارتىلعان تالاپتارعا سايكەس ق ر ۇعا پرەزيدەنتىن سايلاۋ جانە بەكىتۋ دە ماڭىزدى. زەينەتكەرلىك جاسقا جەتكەن ۇلتتىق عىلىم اكادەمياسىنىڭ جەكەلەگەن مۇشەلەرىنە «دانىشپاندارعا» ءومىر بويعى ستيپەنديالار ءبولۋ قارالادى»، - دەيدى ول.
ودان بولەك، ۆەدومستۆو باسشىسى ق ر ۇعا-نىڭ قۇزىرەتىنە عىلىم جانە فورسايت بويىنشا ۇلتتىق بايانداما ازىرلەۋ، عىلىم مەن تەحنيكا سالاسىنداعى گرانتتاردى، ستيپەنديالاردى جانە سىيلىقتاردى تاعايىنداۋ وكىلەتتىلىگىنىڭ بەرىلەتىنى تۋرالى ءسوز قوزعادى.
«مەملەكەت باسشىسى اتاپ وتكەندەي، ق ر ۇلتتىق عىلىم اكادەمياسى جاڭعىرتۋ جانە كادرلىق جاڭارۋ شارالارى بويىنشا عىلىمي ويدىڭ ورتالىعى جانە ساراپتامالىق قىزمەتتى جۇزەگە اسىراتىن بەدەلدى ۇيىم بولاتىنىنا سەنىمدىمىن»، - دەدى س. نۇربەك.
بۇعان دەيىن ق ر عىلىم جانە جوعارى ءبىلىم ءمينيسترى حالىق تابىسىن ارتتىرۋعا ارنالعان باعدارلاما ىسكە قوسىلاتىنى تۋرالى ايتقان ەدى.