قازاقستاندا كاسىپتىك بىلىكتىلىكتى تانۋ ءۇشىن كاسىپتەر ءتىزىلىمى قالىپتاستىرىلدى

 ەڭبەك جانە حالىقتى الەۋمەتتىك قورعاۋ مينيسترلىگى مەملەكەتتىك ورگاندار جانىنان قۇرىلعان كاسىپتىك بىلىكتىلىك جونىندەگى سالالىق كەڭەستەردىڭ ۇسىنىستارى نەگىزىندە 496 كاسىپتى قامتيتىن كاسىپتىك بىلىكتىلىكتى مىندەتتى جانە ەرىكتى نەگىزدە تانۋ ءۇشىن ءبىرىنشى كاسىپتەر ءتىزىلىمىن قالىپتاستىردى.

قۇجاتپەن Career Enbek سيفرلىق پلاتفورماسىندا تانىسۋعا بولادى، وندا كاسىپتىك بىلىكتىلىكتى تانۋ ورتالىقتارىن اككرەديتتەۋ بويىنشا جاڭا فۋنكسيونال ىسكە قوسىلدى، دەپ حابارلايدى Almaty-akshamy.kz.

ۇلتتىق جانە سالالىق بىلىكتىلىك شەڭبەرلەرى بويىنشا بىلىكتىلىك دەڭگەيلەرىن ءبولۋدى ەسكەرە وتىرىپ، قىزمەتتەردىڭ ۇلتتىق جىكتەۋىشى ءتىزىلىمدى قالىپتاستىرۋ ءۇشىن نەگىز بولدى.

تىزىلىمگە بىلىكتىلىكتى مىندەتتى تۇردە جۇزەگە اسىرىلاتىن 136 كاسىپ جانە بىلىكتىلىكتى ەرىكتى نەگىزدە تانۋ ءۇشىن 360 كاسىپ ەنگىزىلگەن.

وسىلايشا، ەنگىزىلگەن جۇيە، بىرىنشىدەن، ءوز قۇزىرەتتەرىن ناقتى باعالاۋعا، ەكىنشىدەن، فورمالدى نەمەسە بالاما ءبىلىم ارقىلى الىنعان بىلىمدەرىن، داعدىلارىن راستاۋدى قۇجاتتاۋعا مۇمكىندىك بەرەدى.

ءوز كەزەگىندە، ەرىكتى نەگىزدە كاسىپتىك بىلىكتىلىكتى تانۋدى جۇزەگە اسىرعىسى كەلەتىن ۇيىمدارعا Career Enbek سيفرلىق پلاتفورماسىندا اككرەديتتەۋدەن ءوتۋ مۇمكىندىگى قولجەتىمدى بولدى.

«كاسىپتىك بىلىكتىلىك تۋرالى» زاڭدا «اتامەكەن» ق ر ۇلتتىق كاسىپكەرلەر پالاتاسى سەرتيفيكاتتاۋ ورتالىعى بولۋدى جوسپارلاپ وتىرعان ۇيىمداردى اككرەديتتەۋ ءتارتىبى ايقىندالعان.

اككرەديتتەۋ پروسەسى بىرنەشە كەزەڭنەن تۇرادى:

– ءوتىنىمدى قابىلداۋ جانە قاراۋ؛

– ۇسىنىلعان قۇجاتتاردىڭ ساراپتاماسى؛

– ءوتىنىش بەرۋشىنى ورنالاسقان جەرى بويىنشا تەكسەرۋ؛

– اككرەديتتەۋ تۋرالى نەمەسە اككرەديتتەۋدەن باس تارتۋ تۋرالى شەشىم قابىلداۋ؛

– اككرەديتتەۋ اتتەستاتىن بەرۋ؛

– اككرەديتتەۋدەن كەيىنگى شارت جاساسۋ.

تانۋ ورتالىقتارىن اككرەديتتەۋ تەوريالىق جانە پراكتيكالىق ەمتيحانداردى وتكىزۋ ءۇشىن ءتيىستى ماتەريالدىق بازانىڭ، قاجەتتى قۇرالداردىڭ، جابدىقتالعان كابينەتتەردىڭ جانە ت. ب. بولۋىمەن اتالعان ورتالىقتاردىڭ جۇمىسىن ءبىرىڭعاي ءادىسنامالىق نەگىزدە قامتاماسىز ەتۋگە باعىتتالعان.

تانۋ ورتالىقتارىنىڭ جۇمىسىن باستاۋ مانساپتىق مۇمكىندىكتەردىڭ دامۋىن قامتاماسىز ەتۋدەگى ماڭىزدى قادام بولىپ تابىلادى، ال تانۋ ورتالىقتارىن اككرەديتتەۋ جۇمىس بەرۋشىلەر تاراپىنان سەرتيفيكاتتالعان قىزمەتكەرلەرگە دەگەن سەنىم دەڭگەيىن ارتتىرۋعا مۇمكىندىك بەرەدى.

كاسىپتىك بىلىكتىلىكتى ەرىكتى نەگىزدە تانۋ جۇمىس ىزدەۋشىلەرگە ەڭبەك نارىعىنداعى ترەندتەردى ەسكەرە وتىرىپ، تەز جانە ساپالى جۇمىس تابۋعا، ولاردىڭ كاسىبي دەڭگەيىنە سايكەس كەلەتىن جالاقى الۋعا، سونداي-اق ۇلكەن سۇرانىسقا يە بولۋ ءۇشىن ءوز داعدىلارىنىڭ دەڭگەيىن ۇنەمى ارتتىرۋعا مۇمكىندىك بەرەدى.

كاسىپتەر ءتىزىلىمى جانە كاسىپتىك بىلىكتىلىكتى تانۋ ورتالىقتارىن اككرەديتتەۋ ءتارتىبى تۋرالى تولىق اقپاراتپەن Career Enbek سيفرلىق پلاتفورماسىندا تانىسۋعا بولادى.