ال ەكسپورت 18،5%-عا ءوستى.
قازاقستاندا كارتوپ يمپورتى 51،6%-عا تومەندەگەن، دەپ حابارلايدى Almaty-akshamy.kz دەدى ۇلتتىق ستاتيستيكا بيۋروسىنا سىلتەمە جاساپ.
مىسالى، 2021 جىلى 97،6 مىڭ توننا كارتوپ يمپورتتالعان بولسا، 2022 جىلى 47،3 مىڭ توننا ءونىم يمپورتتالعان.
كارتوپ ەكسپورتى 18،5%-عا ءوستى. ماسەلەن، وتكەن جىلدىڭ قاڭتار-قاراشا ايلارىندا 194،8 مىڭ توننا كارتوپ ەكسپورتتالسا، 2021 جىلى 164،3 مىڭ توننا كارتوپ ەكسپورتتالعان.
2022 جىلى كارتوپتىڭ جالپى ءتۇسىمى 40 804 697،5 سەنتنەردى نەمەسە 4،1 ملن توننانى قۇرادى، بۇل 2021 جىلمەن سالىستىرعاندا 1،2%-عا ارتىق. ونىڭ ىشىندە اۋىل شارۋاشىلىعى كاسىپورىندارى 588 مىڭ توننا ءونىم ءوندىردى. جەكە كاسىپكەرلەر مەن شارۋا نەمەسە فەرمەر قوجالىقتارى – 1،5 ملن توننا، ال ءۇي شارۋاشىلىقتارىنىڭ ۇلەسى وتكەن جىلى 1،9 ملن توننانى قۇرادى.
وتكەن جىلى بارلىق ساناتتاعى شارۋاشىلىقتارداعى كارتوپ ەگىس كولەمى 198،8 مىڭ گەكتاردى قۇرادى.