ونىڭ 200-دەن استامى قايعىلى جاعدايمەن اياقتالادى.
جىل سايىن 28 ساۋىردە دۇنيەجۇزىلىك ەڭبەك قاۋىپسىزدىگى جانە ەڭبەكتى قورعاۋ كۇنى اتاپ وتىلەدى، ونىڭ ماقساتى – جۇمىسشىلاردىڭ قۇقىقتارىن قورعاۋ، ولاردىڭ الەۋمەتتىك قورعالۋىن جانە ەڭبەك قاۋىپسىزدىگىن ارتتىرۋ ماسەلەلەرىنە نازار اۋدارۋ. سوڭعى 5 جىلدا ەڭبەكتى قورعاۋ سالاسىندا مەملەكەتتىك ورگاندار مەن جۇمىس بەرۋشىلەر قابىلداعان كەشەندى شارالار 1 مىڭ جۇمىسكەرگە شاققاندا وندىرىستىك جاراقاتتانۋ دەڭگەيىن 0،23-تەن 0،21-گە دەيىن تومەندەتۋگە مۇمكىندىك بەردى، دەپ حابارلايدى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
2024 جىلعى دۇنيەجۇزىلىك قاۋىپسىزدىك جانە دەنساۋلىق كۇنىنىڭ تاقىرىبى – «كليماتتىڭ وزگەرۋىنىڭ ەڭبەك قاۋىپسىزدىگى مەن دەنساۋلىعىنا اسەرى». بۇل ءاقپاراتتىق-تۇسىندىرۋ ناۋقانى ەڭبەك قاۋىپسىزدىگى ماسەلەلەرى جانە وندىرىستە جاراقات الۋ، اۋرۋ جانە ءولىم سانىنىڭ كوبەيۋى تۋرالى حالىقتىڭ حاباردارلىعىن ارتتىرۋعا ارنالعان.
حالىقارالىق ەڭبەك ۇيىمىنىڭ دەرەكتەرى ەڭبەكتى قورعاۋ سالاسىنداعى اۋقىمدى پروبلەمالاردىڭ ساقتالىپ وتىرعانىن كورسەتەدى – جىل سايىن الەمدە 270 ميلليونعا جۋىق جازاتايىم وقيعالار مەن 160 ميلليون كاسىپتىك اۋرۋلار تىركەلەدى، ولار 2 ميلليوننان استام ادامنىڭ ءومىرىن قيدى.
قازاقستاندا جىل سايىن كاسىپورىنداردا 1400-دەن استام وندىرىستىك جازاتايىم وقيعا ورىن الادى، ونىڭ 200-دەن استامى ولىممەن اياقتالادى. ەكونوميكا سالالارى بويىنشا زارداپ شەككەندەردىڭ ەڭ كوپ سانى تاۋ-كەن مەتاللۋرگيا كەشەنى كاسىپورىندارىندا – 21،3%، قۇرىلىس سالاسىندا – 10% بايقالدى.
519 مىڭنان استام جۇمىسكەر زياندى جانە ءقاۋىپتى ەڭبەك جاعدايلارىندا جۇمىس ىستەيدى. ءاربىر ءۇشىنشى جۇمىسشى (37%) – شۋ مەن ءدىرىلدىڭ كۇشەيۋى جاعدايىندا، ءاربىر ءتورتىنشى (25%) – جۇمىس ايماعىندا گاز بەن شاڭنىڭ جوعارىلاۋىندا، ءاربىر سەگىزىنشى (13%) قولايسىز تەمپەراتۋرالىق جاعدايلاردا جۇمىس ىستەيدى.
107 مىڭنان استام ادام (21%) اۋىر دەنە ەڭبەگىمەن اينالىستى.
اتتەستاسيا قورىتىندىسى بويىنشا 2023 جىلى 697 مىڭ جۇمىسشى زياندى ەڭبەك جاعدايىندا جۇمىس ىستەگەنى ءۇشىن ءتۇرلى وتەماقىلار الدى. بۇل ماقساتتارعا جۇمىس بەرۋشىلەر 255 ملرد تەڭگە ءبولدى، بۇل 2022 جىلمەن سالىستىرعاندا 23%-عا ارتىق.
سوڭعى بەس جىلدا ەڭبەكتى قورعاۋ سالاسىندا مەملەكەتتىك ورگاندار مەن جۇمىس بەرۋشىلەر قابىلداعان شارالار وندىرىستىك جاراقاتتانۋ دەڭگەيىن (1000 جۇمىسشىعا شاققانداعى جازاتايىم وقيعالاردىڭ جيىلىك كوەففيسيەنتى) 0،23-تەن 0،21-گە دەيىن تومەندەتۋگە مۇمكىندىك بەردى.
قازاقستاندا سالاۋاتتى جانە ءقاۋىپسىز ەڭبەك جاعدايلارىن ودان ءارى قامتاماسىز ەتۋ ءۇشىن كەشەندى شارالار قابىلدانۋدا.
2023 جىلدىڭ قورىتىندىسى بويىنشا قۇقىق قورعاۋ ورگاندارىنا جازاتايىم وقيعالار تۋرالى 1055 ماتەريال جىبەرىلىپ، ولار بويىنشا 149 قىلمىستىق ءىس قوزعالدى.
جۇمىس ورىندارىنداعى ەڭبەك جاعدايلارىنىڭ ناقتى جاعدايىن باعالاۋ ماقساتىندا 10 مىڭنان استام وندىرىستىك نىسانداردى اتتەستاتتاۋ جۇرگىزىلدى.
بۇزۋشىلىقتاردىڭ الدىن الۋ جانە بولدىرماۋ ماقساتىندا ەلىمىزدىڭ 3214 كاسىپورنى ەڭبەك قاۋىپسىزدىگى جانە ەڭبەكتى قورعاۋ ستاندارتتارىن ەنگىزدى.
2019 جىلدان باستاپ نولدىك جاراقاتتار تۇجىرىمداماسى – Vision Zero – بەلسەندى تۇردە العا جىلجۋدا. وعان بۇگىندە رەسپۋبليكانىڭ 536 كاسىپورنى قوسىلدى.
قازاقستاننىڭ 258 كاسىپورنى قۇرىلىس سالاسىنىڭ مەردىگەرلىك ۇيىمدارىندا ءقاۋىپسىز ەڭبەك جاعدايلارىن قامتاماسىز ەتۋ ءۇشىن باقىلاۋدىڭ تىكەلەي مودەلىن ەنگىزدى.
زياندى ەڭبەك جاعدايىندا جۇمىس ىستەيتىن جۇمىسكەرلەردى الەۋمەتتىك قورعاۋدىڭ قوسىمشا تەتىكتەرىن ىسكە اسىرۋ شەڭبەرىندە مەملەكەت باسشىسىنىڭ تاپسىرماسى بويىنشا 2024 جىلدىڭ 1 قاڭتارىنان باستاپ ارناۋلى الەۋمەتتىك تولەمدەر ەنگىزىلدى. بۇل تولەمدەرگە 55 جاسقا تولعان جانە كەمىندە 7 جىل مىندەتتى كاسىپتىك زەينەتاقى جارنالارى تولەنگەن قىزمەتكەرلەر قۇقىلى. وسى مۇمكىندىكتى پايدالانىپ، جىل باسىنان بەرى 6 مىڭعا جۋىق جۇمىسشى زياندى ەڭبەك جاعدايلارىنداعى جۇمىسىن توقتاتىپ، ارنايى الەۋمەتتىك تولەمدەر الىپ جاتىر.
قازاقستان رەسپۋبليكاسى ەڭبەك جانە حالىقتى الەۋمەتتiك قورعاۋ مينيسترلiگi (بۇدان ءارi – ەڭبەكمينى) ءوز الدىنا ەڭبەك جاعدايلارى زياندى جۇمىس ورىندارىن ەداۋىر قىسقارتۋ جانە وندىرىستىك جاراقاتتانۋ دەڭگەيىن تومەندەتۋ مىندەتىن قويىپ وتىر.
وتكەن جىلدىڭ سوڭىندا ۇكىمەتتىڭ قاۋلىسىمەن 2030 جىلعا دەيىنگى ءقاۋىپسىز ەڭبەك تۇجىرىمداماسى بەكىتىلدى. قۇجات تاۋەكەلگە باعدارلانعان ءتاسىل نەگىزىندە ەڭبەكتى قورعاۋدى باسقارۋدىڭ ۇلتتىق جۇيەسىن جاڭعىرتۋدى، كاسىپتىك تاۋەكەلدەردى تومەندەتۋ جونىندەگى شارالاردى ەكونوميكالىق ىنتالاندىرۋدى، ەڭبەكتى قورعاۋ سالاسىنداعى كاسىپتىك قۇزىرەتتەر مەن عىلىمي الەۋەتتى دامىتۋدى، ەڭبەكتى قورعاۋ سالاسىنداعى باقىلاۋ مەن مونيتورينگتىڭ تيىمدىلىگىن ارتتىرۋدى كوزدەيدى.
ەڭبەكمينى جۇمىس بەرۋشىلەردى ەڭبەك قىزمەتى پروسەسىندە قىزمەتكەرلەردىڭ ءقاۋىپسىز ەڭبەك جاعدايلارىن قامتاماسىز ەتۋ بويىنشا بارلىق كۇش-جىگەرىن جۇمساۋعا شاقىرادى.