ەلىمىزدە 2013 جىلدان باستاپ وتباسى كۇنى اتالىپ وتەدى.
بۇگىن ەلىمىزدە وتباسى كۇنى مەرەكەسى اتالىپ وتىلۋدە. اتالعان مەرەكە ەلىمىزدە 2013 جىلدان باستاپ تويلانىپ كەلەدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
مەملەكەت بiزدiڭ قوعامدا نەگiزگi وتباسىلىق قۇندىلىقتاردى نىعايتۋدىڭ ماڭىزدىلىعىنا ەرەكشە نازار اۋدارىپ وتىر. قازاقستاندا وتباسى كۇنى ق ر تۇڭعىش پرەزيدەنتى - ەلباسىنىڭ جارلىعىمەن 2013 جىلدان باستاپ قىركۇيەك ايىنىڭ ەكiنشi جەكسەنبiسiندە اتالىپ وتەدi. بيىل بۇل داتا 12 قىركۇيەككە سايكەس كەلدى. بيىل ايتۋلى كۇن قارساڭىندا ەلورداداعى «استانا-بايتەرەك» مونۋمەنتىندە جاس جۇبايلار سالتاناتتى تۇردە نەكەلەستى. شاراعا ق ر اقپارات جانە قوعامدىق دامۋ ۆيسە-مينيسترى اسقار ۋماروۆ قاتىستى.
«جاقىندا عانا مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا وتباسىلىق جانە گەندەرلىك ساياسات كونسەپسياسىنا ەلەۋلى وزگەرىستەر ەنگىزۋ قاجەتتىگىن اتاپ ءوتتى. جىل سايىن قازاقستاندا 100 مىڭعا جۋىق جاس جۇبايلار نەكە قيادى. بۇگىنگى وسى سالتاناتتى شارانىڭ «بايتەرەك» مونۋمەنتىندە ءوتۋى – سىزدەردەي جاس وتباسىلاردىڭ ءوسىپ كەلە جاتقان اعاشتاي تاريحي تامىرىن ساقتاپ، مىقتى تىرەگى بار، بولاشاققا ۇمتىلىسى بار مەملەكەتكە اينالاتىنىن بىلدىرەدى»، - دەگەن ەدى اسقار ۋماروۆ.
ەلىمىزدە وتباسى قۇندىلىعىن ساقتاپ، دارىپتەۋ ماقساتىندا جىل سايىن اۋقىمدى شارالار قولعا الىنىپ جاتىر. سونىڭ ءبىرى «مەرەيلى وتباسى» — ۇلتتىق بايقاۋى. اتالعان بايقاۋ ەلباسىنىڭ باستاماسىمەن 2013 جىلى قۇرىلعان بولاتىن. ماقساتى – وتباسى ينستيتۋتىن، وتباسىلىق قۇندىلىقتاردى نىعايتۋ، بالا تاربيەسىندەگى اتا-انالاردىڭ جاۋاپكەرشىلىگىن ارتتىرۋ، قازاقستاندىق وتباسىنىڭ جاعىمدى ءيميدجىن ناسيحاتتاۋ. جىل سايىن وتەتىن بايقاۋدا رەسپۋبليكا بويىنشا 17 ۇزدىك وتباسى انىقتالادى. بيىل كونكۋرستىق كوميسسياعا بارلىعى 2 768 ءوتىنىم كەلىپ ءتۇسىپتى (68،7% اۋىلدىق وتباسى، 31،3% قالالىق وتباسى). مەملەكەت باسشىسى بيىلعى جولداۋىندا ەلىمىزدىڭ وتباسىلىق جانە گەندەرلىك ساياسات تۇجىرىمداماسىنا وزگەرىستەر ەنگىزۋ كەرەكتىگىن العا تارتتى.
«وسى جازدىڭ باسىندا مەنىڭ جارلىعىما سايكەس ۇكىمەت ادام قۇقىعىن قورعاۋ جونىندەگى كەشەندى جوسپاردى بەكىتتى. وسى ماڭىزدى قۇجات قازاقستاندا ادام قۇقىعىن قورعاۋ جۇيەسىن ودان ءارى جەتىلدىرۋ ءۇشىن ۇزاق مەرزىمدى ينستيتۋتتىق نەگىز قالىپتاستىرادى. اتاپ ايتقاندا، كەشەندى جوسپار قابىلدانعاننان كەيىن گەندەرلىك تەڭدىكتى قامتاماسىز ەتۋ ءۇشىن بەلسەندى جۇمىس باستالدى. وسىعان وراي ايەلدەردىڭ قوعامداعى ەكونوميكالىق جانە ساياسي ۇستانىمىن بارىنشا قولداۋدى قامتاماسىز ەتكەن ءجون. بۇل جۇمىسقا پرەزيدەنت اكىمشىلىگى جاۋاپتى. وتباسىلىق جانە گەندەرلىك ساياسات تۇجىرىمداماسىنا دا وزگەرىستەر ەنگىزگەن ءجون»، - دەدى قاسىم-جومارت توقايەۆ جولداۋ بارىسىندا.