بۇل تۋرالى ۇلتتىق ەكونوميكا ءمينيسترى الىبەك قۋانتىروۆ مالىمدەدى.
ءتورت اي ىشىندە قازاقستاننىڭ جالپى ىشكى ءونىمى 4،4%-كە ءوستى، دەپ حابارلايدى Almaty-akshamy.kz
«وسى جىلعى ءقاڭتار-ساۋىر ايلارىندا قازاقستان ەكونوميكاسىنىڭ ءوسۋ قارقىنى 4،4% قۇرادى. نەگىزگى ترەندتەر بويىنشا ەسەپتى كەزەڭدە ناقتى سەكتور ءوسىمىنىڭ جەدەلدەۋى، ەكسپورت كولەمىنىڭ ۇدەمەلى ۇلعايۋى، قىزمەت كورسەتۋ سەكتورىندا تۇراقتى ديناميكا بايقالۋدا»، - دەدى قۋانتىروۆ ۇكىمەت وتىرىسىندا.
ايتۋىنشا، ناقتى سەكتورداعى ءوسىم 5،1%-كە جەتكەن. قىزمەت كورسەتۋ سالاسىندا ىسكەرلىك بەلسەندىلىك 3،4%-كە دەيىن ۇلعايدى.
ساۋدا، قۇرىلىس، كولىك جانە قويما، اقپارات جانە بايلانىس، وڭدەۋ ونەركاسىبى، سۋمەن جابدىقتاۋ، تاۋ-كەن ءوندىرۋ ونەركاسىبى، اۋىل شارۋاشىلىعى سالالارى دا وڭ ءوسىم كورسەتتى.
نەگىزگى كاپيتالعا سالىنعان ينۆەستيسيالار 2،3%-كە ءوستى.
سونىمەن قاتار بيىل قاڭتار-ناۋرىزدا سىرتقى ساۋدا تاۋار اينالىمى 45،3%-كە ءوسىپ، 28،7 ميلليارد دوللاردى قۇرادى. ونىڭ ىشىندە ەكسپورت بويىنشا كورسەتكىش 65،8%-كە ءوسىپ، 19،1 ميلليارد دوللارعا دەيىن جەتتى. تاۋارلار يمپورتى 9،5 ميلليارد دوللاردى قۇرادى.
«جالپى، وڭ ساۋدا بالانسى جاقسارىپ، 9،6 ميلليارد دوللارعا دەيىن ءوستى»، - دەدى مينيستر.
وڭدەۋ ونەركاسىبىندە دە سەرپىندى ءوسۋ ءۇردىسى بايقالۋدا. جىل باسىنان بەرى ءوندىرىس كولەمى 5،8%-كە وسكەن.