ورتا ەسەپپەن 13%-عا ۇلعايتىلاتىن بولادى.
قازاقستان ۇكىمەتى جۇمىسىنان ايىرىلۋىنا بايلانىستى مەملەكەت ازاماتتارىنا تولەنەتىن كومەك مولشەرىن ءوسىرۋدى كوزدەپ وتىر، دەپ حابارلايدى Almaty-akshamy.kz.
«مەملەكەت باسشىسىنىڭ وسى جىلعى 1 قىركۇيەكتەگى قازاقستان حالقىنا جولداۋىندا ايتىلعان تاپسىرماسىن ورىنداۋ ءۇشىن 2023 جىلعى 1 قاڭتاردان باستاپ جۇمىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان تولەنەتىن الەۋمەتتىك تولەم مولشەرى ورتا ەسەپپەن 13%-عا ۇلعايتىلاتىن بولادى. الەۋمەتتىك ساقتاندىرۋ جۇيەسىن دامىتۋدىڭ وسى جانە باسقا دا شارالارى ق ر الەۋمەتتىك كودەكسىنىڭ جوباسىندا قاراستىرىلادى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
قولدانىستاعى زاڭناماعا سايكەس جۇمىستان بوساتىلىپ جانە جۇمىسسىز رەتىندە تىركەلگەندەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى جۇمىسىنان ايىرىلۋ بويىنشا 1 ايدان 6 ايعا دەيىن الەۋمەتتىك تولەمدەر الادى. بۇل تولەم جوعالعان تابىستىڭ 40% - نا دەيىنگى مولشەردە ءماسق قاراجاتى ەسەبىنەن جۇزەگە اسىرىلادى.
مەملەكەت باسشىسىنىڭ تاپسىرماسىن ورىنداۋ ءۇشىن ق ر الەۋمەتتىك كودەكسىنىڭ جوباسىندا جۇمىسىنان ايىرىلعان جاعدايدا تولەنەتىن الەۋمەتتىك تولەمنىڭ مولشەرىن ەسەپتەۋ ءۇشىن تابىستى الماستىرۋ كوەففيسيەنتىن 40-تان 45% - عا دەيىن ارتتىرۋ كوزدەلگەن. ناتيجەسىندە، وسى تولەمدەردىڭ مولشەرى ورتا ەسەپپەن 13%-عا ۇلعايتىلادى.
جۇمىس بەرۋشىلەردىڭ ماسق-كە ولاردىڭ قىزمەتكەرلەرى ءۇشىن الەۋمەتتىك اۋدارىمدار مولشەرلەمەسىنىڭ بەلگىلەنگەن مولشەرى وزگەرىسسىز قالاتىنىن اتاپ ءوتۋ قاجەت.
سونىمەن بىرگە اتالعان قۇجاتتا تابىستى جوعالتۋ بويىنشا الەۋمەتتىك تاۋەكەلدەردىڭ بارلىق 6 ءتۇرى بويىنشا (جۇمىسىنان ايىرىلۋ؛ ەڭبەككە قابىلەتتىلىگىنەن ايىرىلۋ؛ اسىراۋشىسىنان ايىرىلۋ؛ جۇكتىلىككە جانە بوسانۋعا بايلانىستى تابىسىنان ايىرىلۋ؛ جاڭا تۋعان بالانى اسىراپ الۋعا بايلانىستى تابىسىنان ايىرىلۋ؛ بالا ءبىر جارىم جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلۋ) جۇمىسپەن قامتىلعان حالىقتى مىندەتتى الەۋمەتتىك ساقتاندىرۋمەن قامتۋدى كەڭەيتۋ كوزدەلگەن.
الەۋمەتتىك ساقتاندىرۋ جۇيەسىنە جۇمىسشىلاردىڭ كەلەسى ساناتتارىن قوسۋ ۇسىنىلادى:
- ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار؛
- ينتەرنەت-پلاتفورمالار مەن پلاتفورمالىق جۇمىسپەن قامتۋدىڭ ءموبيلدى قوسىمشالارى ارقىلى قىزمەت كورسەتەتىن جەكە تۇلعالار. بۇل رەتتە ينتەرنەت-پلاتفورما وپەراتورى جەكە تۇلعا ءۇشىن شارت بويىنشا الىنعان تابىستىڭ 1% مولشەرىندە الەۋمەتتىك اۋدارىمدار جۇرگىزەتىن بولادى.
ءماسق قاراجاتى ەسەبىنەن جۇمىسىنان ايىرىلعان جاعدايدا تولەنەتىن الەۋمەتتىك تولەم جۇمىستان بوساتىلۋ سەبەپتەرىنە قاراماستان جۇزەگە اسىرىلاتىنىن جانە جۇمىسسىز ادام جۇمىس ىزدەپ جۇرگەن كەزەڭدە ونى قولداۋعا ارنالعانىن ەستەرىڭىزگە سالا كەتەيىك. سوندىقتان دا الەۋمەتتىك تولەم قۇقىعى جۇمىستان بوساتىلعان ادام جۇمىسسىز رەتىندە تىركەلگەن كۇننەن باستاپ پايدا بولادى.