قازاقستاندا جۇك تاسىمالى كولەمى ارتىپ كەلەدى

Tەمىرجول كولىگىمەن جۇك تاسىمالى 10%-عا وسكەن. 

قازاقستان ۇكىمەتىنىڭ مالىمەتى بويىنشا، جۇك تاسىمالى كولەمى وتكەن جىلمەن سالىستىرعاندا ءبىرشاما ارتقان، دەپ حابارلايدى Almaty-akshamy.kz.

«2022 جىلدىڭ العاشقى ەكى ايىندا ەلىمىزدە جۇك تاسىمالى كولەمى وتكەن جىلمەن سالىستىرعاندا ءبىرشاما ارتتى. اتاپ ايتقاندا، تەمىرجول كولىگىمەن جۇك تاسىمالى 10%-عا ءوسىپ، 70،8 ملن توننانى، ترانزيتتىك جۇكتەردى تاسىمالداۋ 20%-عا ارتىپ، 4 ملن توننانى قۇرادى. سونىمەن قاتار، كونتەينەرلەرمەن تاسىمال 12%-عا ۇلعايىپ، 174،7 مىڭ جيىرما فۋتتىق بالاماعا جەتتى»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا. 

جۇك تاسىمالى كولەمىنىڭ وسكەنى تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتىپ بەردى.  

مينيستر ءوز بايانداماسىندا بيىل الدىمىزدا تەمىرجولمەن جۇك تاسىمالى كولەمىن 420 ملن تونناعا، ترانزيت تاسىمالداردى 24،5 ملن تونناعا جانە كونتەينەرلەر ءترانزيتىن 1،1 ملن جيىرما فۋتتىق بالاماعا جەتكىزۋ مىندەتى تۇرعانىن اتاپ كورسەتتى.

جالپى، ەلىمىزدىڭ ترانزيتتىك-كولىكتىك الەۋەتىن دامىتۋدىڭ نەگىزگى كورسەتكىشتەرى «قۋاتتى وڭىرلەر – ەل دامۋىنىڭ درايۆەرلەرى» ۇلتتىق جوباسىندا ايقىندالعان. سوعان سايكەس، 2025 جىلعا دەيىن قازاقستاندا ترانزيتتىك تاسىمال كولەمى 30 ملن تونناعا دەيىن جەتۋى ءتيىس. وسى ماقساتتا تەمىرجول ينفراقۇرىلىمىن سالۋ، جىلجىمالى قۇرامدى جاڭارتۋ، جۇكتەردى كونتەينەرلەندىرۋ، بالاما باعىتتار مەن حالىقارالىق دالىزدەردى دامىتۋ بويىنشا شارالار قابىلدانىپ جاتىر.