مينيسترلىك شاعىن كاسىپكەرلىك سۋبەكتىلەرىن، ونىڭ ىشىندە ميكروكاسىپكەرلىك سۋبەكتىلەرىن بارۋ ارقىلى تەكسەرۋدى كوزدەپ وتىر.
اۋىل شارۋاشىلىعى مينيسترلىگى جەر زاڭناماسىنىڭ ساقتالۋىنا بيزنەستى تەكسەرۋگە مۇمكىندىك بەرەتىن جارلىق جوباسىن جاريالادى، دەپ حابارلايدى Almaty-akshamy.kz
پرەزيدەنتتىڭ 2019 جىلعى 26 جەلتوقسانداعى «قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوريي ەنگىزۋ تۋرالى» جارلىعىنا تولىقتىرۋ ەنگىزۋ جوسپارلانىپ وتىر.
دالىرەك ايتقاندا، قۇجات «قازاقستان رەسپۋبليكاسىنىڭ جەر زاڭناماسىنىڭ ساقتالۋىنا تەكسەرۋلەر جانە پروفيلاكتيكالىق باقىلاۋدى بارىپ جۇرگىزۋ» تارماعىمەن تولىقتىرىلادى.
تۇسىندىرمە جازبادا ايتىلعانداي، 2021 جىلعى 26 شىلدەدە اۋىل شارۋاشىلىعى مينيسترلىگى جارلىق قولدانىلعان كەزەڭدە اۋىل شارۋاشىلىعى جەرلەرىن پايدالانباۋ نە ءتيىمسىز پايدالانۋ ماسەلەلەرى بويىنشا تەكسەرىستەر جۇرگىزۋ مۇمكىندىگى ءۇشىن «جاپپاي ءقاۋىپ» ۇعىمىن ايقىنداۋ جونىندە ۇسىنىمدار بەكىتتى.
الايدا، «جاپپاي ءقاۋىپ» اياسىندا تەكسەرىس جۇرگىزۋ كەزىندە جەرگىلىكتى جەرلەردە ءبىرقاتار ماسەلە تۋىندايدى. ولار قولدانىستاعى جارلىق بويىنشا تەكسەرىسكە تىيىم سالىنعانىن العا تارتادى.
وسىعان بايلانىستى جارلىققا بيزنەستى تەكسەرۋگە مۇمكىندىك بەرەتىن تۇزەتۋ ەنگىزۋ جوسپارلانىپ وتىر.
جوبا «اشىق نقا» پورتالىندا 24 ماۋسىمعا دەيىن قوعام تالقىسىنا شىعارىلدى.