10 مىڭ جاسقا جۇمىس ورىندارىن ۇسىنۋ جوسپارلانعان.
قازاقستان ۇكىمەتى جاستاردى جۇمىسپەن قامتۋ ماقساتىندا جاڭا جوبانى ىسكە قوستى، دەپ حابارلايدى Almaty-akshamy.kz.
«ق ر ەڭبەك جانە حالىقتى الەۋمەتتىك قورعاۋ مينيسترلىگى «ەڭبەك رەسۋرستارىن دامىتۋ ورتالىعى» اق جانە Eurasian Resources Group كومپانيالار توبىمەن بىرلەسىپ «جاستاردى جۇمىسقا ورنالاستىرۋ» بىرلەسكەن جوباسىن ىسكە قوستى. جوبا اياسىندا 35 جاسقا دەيىنگى 10 مىڭ جاسقا جۇمىس ورىندارىن ۇسىنۋ جوسپارلانعان»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
جوبا اياسىندا 2022 جىلعى مامىردان باستاپ «Enbek.kz» ەلەكتروندىق ەڭبەك بيرجاسىندا كەز كەلگەن ادام ERG كومپانيالار توبىنان جۇمىس تابا الادى.
«Enbek.kz» پورتالىنىڭ باستى بەتىندە باننەر ورنالاسقان، ونى باسۋ ارقىلى جۇمىس ىزدەۋشىلەر ERG توبىنداعى كومپانيالاردىڭ HR-قىزمەتتەرى ورنالاستىرعان بوس جۇمىس ورىندارىنىڭ تىزىمىمەن تانىسا الادى.
جوبا ىسكە قوسىلعاننان بەرى ءارتۇرلى ماماندىقتار بويىنشا 346 بوس جۇمىس ورنى ورنالاستىرىلدى. ولاردىڭ اراسىندا تەحنيكالىق نەمەسە مەديسينالىق بىلىكتىلىكتى قاجەت ەتەتىن جانە ارنايى ءبىلىمى جوق ادامدارعا ارنالعان بوس جۇمىس ورىندارى دا بار.
ERG 28 جىلدان بەرى تابىستى جۇمىس تاجىريبەسى بار، تابيعي رەسۋرستاردى ءوندىرۋ مەن وڭدەۋ سالاسىنداعى جەتەكشى كومپانيالاردىڭ قاتارىندا. ERG قۇرامىنا «قازحروم» ترانسۇلتتىق كومپانياسى» اق، «سوكولوۆ-سارىباي تاۋ-كەن بايىتۋ وندىرىستىك بىرلەستىگى» اق، «قازاقستان ءاليۋمينييى» اق، «قازاقستان ەلەكتروليز زاۋىتى» اق، «ەۋروازيالىق ەنەرگەتيكالىق كورپوراسيا» اق، «ەۋرازيا» مەديسينالىق ورتالىعى» ج ش س جانە باسقا دا ءىرى كاسىپورىندار كىرەدى.