ءىىم ەلىمىزدەگى جولداردا ورتاشا جىلدامدىقتى اسىرۋ ءۇشىن جاڭا ايىپپۇل ەنگىزىلەتىنىن مالىمدەدى، دەپ حابارلايدى aqshamnews.kz
ەگەر جۇرگىزۋشى بەلگىلەنگەن ورتاشا جىلدامدىقتان 60 كم/ساع جانە ودان كوپ اسىپ كەتسە، وعان 40 اەك (2025 جىلى بۇل شامامەن 157 مىڭ تەڭگە) كولەمىندە ايىپپۇل سالىنادى. بۇل تۋرالى ىشكى ىستەر مينيسترلىگى اكىمشىلىك پوليسيا كوميتەتىنىڭ ءتوراعاسى قايسار سۇلتانبايەۆ مالىمدەدى.
ونىڭ ايتۋىنشا، قالا ماڭىنداعى جولداردا ورتاشا جىلدامدىقتى باقىلاۋ ەنگىزىلگەن جەرلەردە 15 مىڭعا جۋىق وسىنداي قۇقىقبۇزۋشىلىق تىركەلگەن.
“قارسى جولاققا شىققان جۇرگىزۋشى 6 ايعا جۇرگىزۋشى كۋالىگىنەن ايىرىلادى. ەگەر بۇل ارەكەت جول-كولىك وقيعاسىنا الىپ كەلسە، وندا 20 اەك ايىپپۇل نەمەسە 6 ايعا كۋالىكتەن ايىرىلۋ قاراستىرىلعان. ەندى ەگەر قارسى جولاققا شىعۋ جول اپاتىنا سەبەپ بولسا، جۇرگىزۋشى 9 ايعا جۇرگىزۋشى كۋالىگىنەن ايىرىلادى. بۇل – جازا مولشەرىن ناقتىلاۋ ءۇشىن جاسالىپ وتىر”، – دەدى سۇلتانبايەۆ.