ينفلياسيانىڭ ەداۋىر قارقىنى اتىراۋ وبلىسىندا سەزىلدى
شىلدە ايىندا ەلدە جىلدىق ينفلياسيا قارقىن الىپ، 15،0%-دى (ماۋسىمدا – 14،5%) قۇرادى. بۇل تۋرالى Almaty-akshamy.kz ۇلتتىق بانككە سىلتەمە جاساپ حابارلايدى.
ايماقتار اراسىندا جىلدىق ينفلياسيا 16 وڭىردە جەدەلدەپ، 3 وبلىستا باسەڭدەدى، 1 وڭىردە وزگەرىس بولعان جوق.
ينفلياسيانىڭ ەداۋىر قارقىنى اتىراۋ وبلىسىندا سەزىلدى (ماۋسىمداعى 14،1%-دان شىلدەدە 16،0%-عا دەيىن).
ازىق-تۇلىك باعاسىنىڭ ءوسۋ قارقىنى شىلدەدە 19،7% ج/ج دەيىن ۇلعايدى (ماۋسىمدا – 19،2%). وسى توپقا جاتاتىن تاۋارلاردىڭ باعاسى ماڭعىستاۋ وبلىسىندا بارىنشا ءوستى (24،0%).
ازىق-تۇلىككە جاتپايتىن تاۋارلار باعاسىنىڭ ءوسۋ قارقىنى ج/ج 14،2%-عا دەيىن جەدەلدەدى (ماۋسىمدا – 13،2%). ەڭ جوعارى ءمان نۇر-سۇلتان قالاسى مەن ۇلىتاۋ وبلىسىندا (18،5%-دان)، ال ەڭ تومەنگى ءمان الماتى قالاسىندا (12،3%) تىركەلدى.
اقىلى قىزمەت كورسەتۋ باعاسى شىلدەدە ج/ج ءمانىن 9،2% دەڭگەيىندە ساقتادى، بۇل رەتتە جالپى رەسپۋبليكالىق دەڭگەيدەن باعا ەداۋىر جوعارى بولعان تۇركىستان (11،4%)، اقتوبە جانە جامبىل وبلىستارىندا (6،7%-دان) ءبىرشاما تومەن ءوستى.
2022 جىلعى شىلدەدە ەلدەگى ايلىق ينفلياسيا 1،1%-دى قۇرادى، بۇل سوڭعى 5 جىلدا شىلدەدەگى ينفلياسيانىڭ ورتاشا مانىنەن ەداۋىر جوعارى (2017-2021 جىلدارى: 0،3%).
بارلىق وڭىردە 2022 جىلعى شىلدەدە باعا ورتاشا تاريحي نورمادان جوعارى ءوستى. ايلىق ينفلياسيانىڭ اناعۇرلىم قارقىنى اتىراۋ وبلىسىندا بايقالدى (2،1%).