حالىقارالىق ناشاقورلىققا جانە ەسىرتكىنىڭ زاڭسىز اينالىمىنا قارسى كۇرەس كۇنىنە وراي ەلىمىزدە پروفيلاكتيكا ايلىعى باستالدى، – دەپ حابارلايدى almaty-akshamy.kz.
مەملەكەتتىك قۇرىلىمدار مەن ۇكىمەتتىك ەمەس ۇيىمدار ەسىرتكىنى قولدانۋ ءقاۋپى جانە ونىڭ سالدارى تۋرالى ازاماتتارعا حابارلاپ، الدىن الۋ شارالارىن بىرلەسىپ وتكىزەدى. تەك العاشقى اپتانىڭ وزىندە 445 ءىس-شارا ۇيىمداستىرىلدى. ازاماتتار پسيحواكتيۆتى زاتتاردى جارنامالايتىن نەمەسە ەسىرتكىنى قولدانۋدى ناسيحاتتايتىن دۇنيەلەردى تاراتۋ ءۇشىن قىلمىستىق جاۋاپكەرشىلىك قاراستىرىلاتىنىن بىلمەي جاتادى. ەسىرتكىنى تاراتقانى جانە ساقتاعانى ءۇشىن قىلمىستىق جاۋاپكەرشىلىك 16 جاستان، كەيبىر جەكەلەگەن ەسىرتكى قۇقىق بۇزۋشىلىقتارى ءۇشىن 14 جاستان باستالادى. بۇگىندە ءىىم كامەلەتكە تولماعاندار اراسىندا ەسىرتكى قىلمىستارىنىڭ الدىن الۋعا باسا نازار اۋدارىپ وتىر.
– وكىنىشكە وراي، بيىل بەس اي ىشىندە 20 ءجاسوسپىرىم جاۋاپقا تارتىلدى. ءبىز ءبىلىم بەرۋ ورگاندارىمەن بىرلەسىپ، وسىنداي قىلمىستاردىڭ العىشارتتارى مەن سەبەپتەرىن انىقتاپ، ولاردى جويۋ بويىنشا جۇمىستار جۇرگىزەمىز. كۇندىز ناشاقورلىق ماسەلەسى تۋرالى دارىسكە قاتىسىپ، سۇراقتار قويىپ، بەلسەندىلىك تانىتىپ وتىرعان ءجاسوسپىرىمنىڭ كەشە ەسىرتكى جاسىرىپ ۇستالعان جاعدايلارى دا بار، – دەدى ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باستىعى قاجىعالي يماجانوۆ.
شارا بارىسىندا پوشتا جونەلتىلىمدەرى جانە تاسىمالداۋمەن اينالىساتىن كولىكتەرگە نازار اۋدارىلادى. قىزمەتتىك يتتەردىڭ قاتىسۋىمەن اۆتوبەكەتتەردە، پويىزداردا، اۋەجايلاردا تەكسەرۋلەر جۇرگىزىلەدى. سونىمەن قاتار كينولوگ ماماندار مەكتەپ پەن كوللەدج جاستارىنا ءتۇسىندىرۋ جۇمىستارىن جۇرگىزۋدى كۇشەيتەتىن بولادى.