ەنەرگيا رەسۋرستارىنىڭ تاپشىلىعى تۋرالى ويلانا باستاۋ قاجەت.
قازاقستاندىقتار ەۋروپانىڭ دامىعان ەلدەرىندەگى ازاماتتارمەن سالىستىرعاندا، ەنەرگيانى ورتاشا ەسەپپەن ءۇش ەسە كوپ تۇتىنادى. بۇل تۋرالى ق ر ييدم ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتىنىڭ ماماندارى ايتىپ وتىر، دەپ حابارلايدى Almaty-akshamy.kz.
قازاقستاننىڭ يندۋستريا جانە ينفراقۇرىلىمدىق مينيسترلىگىنىڭ باسپا ءسوز قىزمەتىنىڭ مالىمەتى بويىنشا، دامىعان ەلدەردە ەنەرگەتيكالىق رەسۋرستاردىڭ نەگىزگى تۇتىنۋشىسى تۇرعىن ۇي-كوممۋنالدىق شارۋاشىلىق سەكتورى بولىپ تابىلادى. ماسەلەن، حالىقارالىق ەنەرگەتيكا اگەنتتىگىنىڭ دەرەكتەرى بويىنشا، سوڭعى 5 جىلدا قازاقستاندا ەنەرگيا تۇتىنۋ كولەمى 27 پايىزعا ارتقان.
«قازاقستانداعى تۇرعىن ۇيلەر ەۋروپانىڭ دامىعان ەلدەرىنە قاراعاندا ورتاشا ەسەپپەن ءۇش ەسە كوپ ەنەرگيا تۇتىنادى. بارلىق فاكتورلار مەن تاۋەكەلدەردى ەسكەرە وتىرىپ، ءقازىردىڭ وزىندە ەنەرگيا رەسۋرستارىنىڭ تاپشىلىعى تۋرالى ويلانا باستاۋىمىز قاجەت»، - دەيدى ق ر ييدم ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتىنىڭ ماماندارى.