اتالعان ءادىس اشىقتىقتى قامتيدى.
قازاقستاندا جۇمىس بەرۋشى مەن جۇمىسشى اراسىنداعى ەڭبەك كەلىسىمشارتى ونلاين تىركەلەدى. سونىمەن قاتار جۇمىسشىنىڭ جەكە ءىسى سيفرلىق فورماتقا اۋىسپاق. بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«HR ەڭبەك» - جۇمىس بەرۋشى مەن جۇمىسشى اراسىندا جاسالاتىن ەڭبەك كەلىسىمىن رەتتەۋگە ارنالعان قىزمەت. بۇل جەردە ەڭبەك كەلىسىمشارتىن ونلاين فورماتتا تىركەۋگە مۇمكىندىك بەرەدى. ودان بولەك، جۇمىسشىنىڭ سيفرلىق جەكە ءىسىن ەنگىزۋ قارالىپ جاتىر. بۇگىندە جۇمىسشى جەكە ءىس مالىمەتتەرىن قاعاز تۇرىندە جينايدى. ەندىگى ۋاقىتتا جۇمىسشىنىڭ كەلىسىمىن الا وتىرىپ، جەكە ءىس سيفرلىق فورماتتا ۇسىنىلادى. اتالعان ءادىس اشىقتىقتى قامتي وتىرىپ، جالعان قۇجات جاساۋدىڭ الدىن الادى»، - دەدى ەربول وسپانوۆ استانادا ءوتىپ جاتقان ادام جانە عالامشارعا ارنالعان سيفرلىق شەشىمدەر تاقىرىبىنداعى كونفەرەنسيادا.
سونداي-اق، ۆيسە-مينيستردىڭ ايتۋىنشا، بۇگىندە قازاقستاندىقتاردىڭ 60%-ى ەلەكتروندى ەڭبەك بيرجاسى ارقىلى جۇمىس تاپقان.
«ەلەكتروندى ەڭبەك بيرجاسىندا بىلىكتىلىكتى ارتتىرۋعا ارنالعان كۋرستار بار. ياعني 109 ماماندىق بويىنشا 160 تەگىن كۋرس قاراستىرىلعان. ودان بولەك، «بيزنەس ەڭبەك» سەرۆيسى جۇمىس ىستەيدى. اتالعان قىزمەت ارقىلى جەكە كاسىپ اشامىن دەگەن ازاماتتاردىڭ مەملەكەتتىك گرانتقا يە بولۋ مۇمكىندىگى بار»، - دەيدى ول.
ايتا كەتسەك، ەندى مەملەكەتتىك تولەمدەر ادامنىڭ قاتىسۋىنسىز ارنايى جۇيە ارقىلى تاعايىندالادى.
سونىمەن قاتار كەلەسى جىلدان باستاپ ەلىمىزدە وتباسىنىڭ سيفرلىق كارتاسى ەنگىزىلمەك.