بۇل جالاقى كولەمى 42500 تەڭگەدەن 60 مىڭ تەڭگەگە وسەدى.
2022 جىلدىڭ قاڭتارىنان باستاپ قازاقستانداعى ەڭ تومەنگى جالاقى 42500 تەڭگەدەن 60 مىڭ تەڭگەگە ارتادى، دەپ حابارلايدى Almaty-akshamy.kz.
قازاقستان پرەزيدەنتى قاسىم-جومارت توقايەۆ 1 قىركۇيەك كۇنى حالىققا جاساعان جولداۋى بارىسىندا مەملەكەتتەگى ەڭ از جالاقى تۋرالى ءسوز ەتتى. پرەزيدەنتتىڭ شەشىمىمەن بۇل جالاقى كولەمى وسەتىن بولدى.
«ەلىمىزدە ەڭ از جالاقى كولەمى 2018 جىلدان كوتەرىلگەن جوق. الەمدىك كوروناداعدارىس قازاقستاندىقتاردىڭ تابىسىنا سالدارىن تيگىزدى. ونىڭ ۇستىنە ەڭ تومەنگى جالاقى كولەمى بويىنشا قازاقستان تمد-نىڭ ءبىراز ەلدەرىنەن ارتتا كەلەدى. وسى ورايدا 2022 جىلعى 1 قاڭتاردان باستاپ ەڭ تومەنگى جالاقى كولەمىن 42 500 تەڭگەدەن 60 مىڭ تەڭگەگە ءوسىرۋ تۋرالى شەشىم قابىلدايمىن. اتالعان باستاما 1 ملن-نان استام قازاقستاندىقتى قامتيدى. بۇل ءوز كەزەگىندە كولەڭكەلى جالاقى ماسەلەسىن جويىپ، ەل ەكونوميكاسىنا وڭتايلى اسەرىن تيگىزەدى جانە، ساراپشىلاردىڭ پىكىرىنشە، بۇل ءجىو-نىڭ 1،5 ەسە ارتۋىنا ىقپال ەتەدى»، - دەدى ق ر پرەزيدەنتى قاسىم-جومارت توقايەۆ جولداۋ بارىسىندا.