ماماندار تولىقتىرۋلار ازىرلەدى.
قارجى مينيسترلىگىنىڭ مەملەكەتتىك كىرىستەر كوميتەتى ەلەكتروندىق نىساندا شوت-فاكتۋرالاردى بەرۋ قاعيدالارىنا جانە تاۋارعا ىلەسپە شوت-فاكتۋرا شىعارۋ بويىنشا پيلوتتىق جوبانى ىسكە اسىرۋ قاعيدالارى مەن مەرزىمدەرىنە وزگەرىستەر مەن تولىقتىرۋلار ازىرلەدى، دەپ حابارلايدى Almaty-akshamy.kz Egemen.kz سىلتەمە جاساپ.
وزگەرىستەر ەلەكتروندىق شوت-فاكتۋراداعى G جانە H بولىمدەرىنىڭ اياقتالۋىنا اسەر ەتەدى. سونىمەن قاتار ەلەكتروندى شوت-فاكتۋرانىڭ نىسانى وزگەرەدى.
«بىرلەسكەن قىزمەتكە قاتىسۋشىلاردىڭ تاۋارلارى، جۇمىستارى، قىزمەتتەرى تۋرالى دەرەكتەر» H ءبولىمىن تولتىرۋ كەزىندە ىلەسپە شوت-فاكتۋرا جانە ەلەكتروندىق شوت-فاكتۋرا نەگىزىندە ەشف شىعارىلعان كەزدە ىلەسپە شوت-فاكتۋرا كورسەتىلگەن تاۋارلار تۋرالى اقپارات بىردەي بولۋى كەرەك دەپ ايتىلادى.
قازاقستان رەسپۋبليكاسىنىڭ اۋماعىندا ەركىن (ارنايى) ەكونوميكالىق ايماقتىڭ اۋماعىنا تاۋارلاردى اكەلۋ، اەا اۋماعىنان تاۋارلاردى جانە وندىرىلگەن تاۋارلاردى اكەتۋ بويىنشا ىلەسپە شوت-فاكتۋرانى تىركەۋ بويىنشا پيلوتتىق جوبا ىسكە اسىرىلاتىن بولادى جانە اەا اۋماعىندا 2022 جىلعى 1 قىركۇيەكتەن 2023 جىلعى 1 ساۋىرگە دەيىن شىعارىلادى.