قازاقستاندا ءداندى جانە ءداندى-بۇرشاقتى داقىلدى جيناۋ اياقتالدى، دەپ حابارلايدى almaty-akshamy.kz اۋىلشارۋاشىلىعى مينيسترلىگىنە سىلتەمە جاساپ.
«اۋا رايىنىڭ قولايسىزدىعىنا قاراماستان، 16،4 ملن توننا استىق باستىرىلىپ، ورتاشا ونىمدىلىگى گەكتارىنا 10،3 سەنتنەردەن كەلدى. باستاپقى سالماقتا 80،8 مىڭ توننا قاراقۇمىق جينالدى، بۇل 2020 جىلعى دەڭگەيدەن 76% ارتىق. سونداي - اق، قارا بيداي جيناۋ قورىتىندىسى بويىنشا وتكەن جىلمەن سالىستىرعاندا 43% - عا ارتىق، داندىك جۇگەرى 22،6% - عا، بۇرشاق داقىلدارى 1،3% - عا ارتىق جينالدى. باستاپقى سالماقتاعى تارى ونىمدىلىگى وتكەن جىلمەن سالىستىرعاندا 15%-عا، جۇگەرى-5% - عا ارتتى»، دەلىنگەن مينيسترلىكتىڭ مالىمەتىندە.
اشم-نىڭ مالىسمدەۋىنشە، جاڭا ەگىننىڭ استىعى جوعارى ساپالى كورسەتكىشتەرگە يە. ماسەلەن، ليسەنزيالانعان استىق قابىلداۋ كاسىپورىندارىنا تاپسىرىلعان جۇمساق بيدايدىڭ جالپى كولەمىنىڭ 90،5%-ى 1-3 سىنىپتارعا جاتقىزىلعان، 2020 جىلى بۇل كورسەتكىش 81،2%-دى قۇراعان بولاتىن.
«قۇرامىندا ءدان ماڭىزى جوعارى بيداي ۇلەسىنىڭ ايتارلىقتاي ءوسۋى بايقالادى. 3-سىنىپتى جۇمساق بيداي كولەمىندە الەمدىك نارىقتا جوعارى سۇرانىسقا يە جوعارى ساپالى HI-Pro بيدايىنىڭ ۇلەسى شامامەن 60% - دى قۇرايدى»، دەلىنگەن حابارلامادا.
مينيسترلىكتىڭ مالىمەتىنشە، وسىرىلگەن استىق ىشكى نارىقتى تولىق قامتاماسىز ەتۋ ءۇشىن، سونداي-اق ەكسپورتقا بەلگىلى ءبىر كولەمدى جونەلتۋ ءۇشىن دە جەتكىلىكتى.
سونىمەن قاتار، 3،9 ملن توننا كارتوپ، 4،9 ملن توننا كوكونىس داقىلدارى، 2،8 ملن توننا باقشا داقىلدارى جينالدى.
مايلى داقىلداردى جيناۋ جالعاسۋدا، ولاردىڭ جالپى جيناۋ الاڭىنان 3،0 ملن گا (96،6%) جينالدى، 2،3 ملن توننا باستىرىلدى.