قازاقستاندا CLAAS جانە HORSCH برەندتەرىنىڭ تەحنيكاسى جينالادى
وسپانوۆ پەن TOO CT Assembly باس ديرەكتورى مۇرات وتاربايەۆ قازاقستان رەسپۋبليكاسىندا CLAAS جانە HORSCH اۋىل شارۋاشىلىعى تەحنيكاسىن قۇراستىرۋ بويىنشا ارنايى ينۆەستيسيالىق كەلىسىمشارتقا قول قويدى، دەپ حابارلادى Almaty-akshamy.kz ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارىنا سىلتەمە جاساپ.
قول قويۋ راسىمىنە قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ۆيسە-مينيسترى امانياز ەرجانوۆ، ەاەو-داعى CLAAS وڭىرلىك ديرەكتورى دوكتور نيلس رويچ جانە CT AGRO باس ديرەكتورى يورگ فوشەپوت قاتىستى.
ۋاعدالاستىقتارعا سايكەس، CLAAS كونسەرنى مەن ونىڭ قازاقستانداعى ەكسكليۋزيۆتى يمپورتتاۋشىسى – CT AGRO كومپانياسى قۇرعان TOO CT Assembly بىرلەسكەن كاسىپورنى پەتروپاۆلداعى وندىرىستىك الاڭدا CLAAS جانە HORSCH اۋىل شارۋاشىلىعى تەحنيكاسىن ونەركاسىپتىك قۇراستىرۋدىڭ بەس جىلى ىشىندە كەزەڭ-كەزەڭمەن جولعا قويۋ بويىنشا مىندەتتەمەلەردى وزىنە الادى. اتاپ ايتقاندا، Tucano 580، 450 جانە 430 مودەلدىك قاتارىنداعى CLAAS استىق جيناۋ كومبايندارىن، CERIO دەستەلەگىشتەرى مەن CLAAS XERION 4500 تراكتورلارىن، سونداي-اق HORSCH ەگىس كەشەندەرىن شىعارۋ تۋرالى ءسوز بولىپ وتىر.
كەلىسىمشارتتى ىسكە اسىرۋدىڭ ءبىرىنشى جىلىندا وندىرىستىك الاڭ جۇمىسىنىڭ تەتىكتەرىن جوندەۋ جوسپارلانۋدا. وسى كەزەڭدە 100 بىرلىككە دەيىن Tucano كومبايندارىن شىعارۋ كوزدەلۋدە. كەيىننەن تاراپتارمەن كەلىسىلگەن كەستەگە سايكەس اۋىل شارۋاشىلىعى تەحنيكاسىنىڭ ءاربىر ءتۇرى بويىنشا ءارتۇرلى تەحنولوگيالىق وپەراسيالار كەزەڭ-كەزەڭىمەن ەنگىزىلەتىن بولادى. ماسەلەن، تراكتورلاردى قۇراستىرۋدى قامتاماسىز ەتۋ ءۇشىن 2022 جىلى اعىمداعى جىلدىڭ قىركۇيەك-قازان ايلارىندا xerion تراكتورلارىن شىعارۋ بويىنشا ىسكە قوسۋ-جوندەۋ جۇمىستارى بەلگىلەنگەن، سونداي-اق گيدراۆليكا قوزعالتقىشتارى مەن جۇيەلەرىنە تەحنيكالىق تەكسەرۋ باستالادى.
كەيىنگى جىلدارى قازاقستان اۋماعىندا ونەركاسىپتىك قۇراستىرۋ بويىنشا ورىندالاتىن جۇمىستاردىڭ كولەمى دە، شىعارىلاتىن اۋىل شارۋاشىلىعى ماشينالارىنىڭ، اتاپ ايتقاندا، TUCANO استىق جيناۋ كومبايندارى مەن XERION تراكتورلارىنىڭ سانى دا وسەتىن بولادى.
بارلىق شىعارىلاتىن تەحنيكا ءونىمنىڭ كەدەن وداعىنىڭ قولدانىستاعى تەحنيكالىق رەگلامەنتتەرىنىڭ تالاپتارىنا سايكەستىگىن راستاۋ ءۇشىن سەرتيفيكاتتاۋدان وتەدى جانە تاۋاردىڭ شىعۋ تەگى سەرتيفيكاتىن الادى، سونداي-اق ءاربىر وزدىگىنەن جۇرەتىن ماشيناعا جەكە پاسپورت بەرىلەدى. مىندەتتەمەلەردىڭ ورىندالۋىن باقىلاۋ ءۇشىن كەلىسىممەن قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى ساراپشىلارىنىڭ جىل سايىنعى ينسپەكسيالىق تەكسەرۋلەر جۇرگىزۋى بەكىتىلدى.
«CLAAS كومپانياسى قازاقستان نارىعىنا شامامەن 30 جىل بويى قاتىسىپ كەلەدى جانە وسى ۋاقىت ىشىندە ءبىز ەل اگراريلەرىمەن ىنتىماقتاستىقتىڭ اۋقىمى مەن فورماتىن دايەكتى تۇردە كەڭەيتتىك. ايك - قا قول قويۋ وسى دامۋدىڭ ماڭىزدى كەزەڭى بولىپ تابىلادى جانە ءبىز اشىلىپ جاتقان جاڭا مۇمكىندىكتەر CLAAS برەندىنىڭ ەلىمىزدىڭ اگروونەركاسىپتىك كەشەنىن تابىستى دامىتۋعا قوسقان ۇلەسىن بۇدان دا سالماقتى ەتەدى دەپ ۇمىتتەنەمىز»، - دەپ اتاپ ءوتتى CLAAS-تىڭ ەاەو-داعى وڭىرلىك ديرەكتورى، دوكتور نيلس رويچ.
«ارنايى ينۆەستيسيالىق كەلىسىمشارتقا قول قويۋ قازاقستاننىڭ اگرارشىلارى ءۇشىن جاڭا پەرسپەكتيۆالار اشادى، ويتكەنى ولار وسى كەلىسىمنىڭ ارقاسىندا ايتارلىقتاي ارتىقشىلىقتارعا يە بولادى، اتاپ ايتقاندا، ءبىرقاتار سالىقتىق جەڭىلدىكتەر مەن مەملەكەتتىك قارجىلاندىرۋعا قول جەتكىزەدى. وسىلايشا، ءبىز كليەنتتەرىمىز بەن سەرىكتەستەرىمىزدى قازىرگى زامانعى ونىمدىلىگى جوعارى تەحنيكامەن قامتاماسىز ەتۋگە ۇمتىلاتىن كومپانيا رەتىندە جەتكىزۋ مەرزىمدەرىن قىسقارتىپ، ولاردىڭ كولەمىن ۇلعايتا الامىز، ال ەڭ باستىسى، قازاقستانداعى اۋىل شارۋاشىلىعى بيزنەسىنىڭ رەنتابەلدىلىگىن ارتتىرۋعا تاعى ءبىر ەلەۋلى ۇلەس قوساتىن قارجىلىق جاعدايلاردى ۇسىنا الامى»، - دەپ ءتۇسىندىردى Ct اGRO باس ديرەكتورى يورگ فوشەپوت.
CLAAS تۋرالى
فيرما CLAAS (www.claas.com) 1913 جىلى وتباسىلىق كاسىپورىن رەتىندە قۇرىلدى جانە ءقازىر الەمدەگى اۋىلشارۋاشىلىق تەحنيكالارىن وندىرۋشىلەردىڭ ءبىرى بولىپ تابىلادى. ۆەستفاليا حارزيەۆينكەل قالاسىندا باس كەڭسەسى بار كاسىپورىن استىق جيناۋ كومبايندارى نارىعىندا ەۋروپالىق كوشباسشى بولىپ تابىلادى. CLAAS كومپانياسى ءوزى جۇرەتىن جەمشوپ جينايتىن كومبايندار سالاسىندا الەمدىك كوشباسشىلىقتى ساقتايدى. اۋىلشارۋاشىلىق تەحنيكاسىنىڭ الەمدىك نارىعىنداعى جەتەكشى ورىندار تراكتورلار، سونداي-اق اۋىلشارۋاشىلىق پرەستەرى مەن جەمشوپ تەحنيكاسى سالاسىنداعى CLAAS كومپانياسىنا تيەسىلى. كومپانيا اسسورتيمەنتىنە اۋىل شارۋاشىلىعى سالاسىنداعى ەڭ زاماناۋي اقپاراتتىق تەحنولوگيالار كىرەدى. بۇگىنگى تاڭدا بۇكىل الەمدە CLAAS-تا 11000-نان استام قىزمەتكەر جۇمىس ىستەيدى. 2020 قارجى جىلىنداعى اينالىم 4 ملرد ەۋرونى قۇرادى.
CT AGRO كومپانياسى تۋرالى
CT AGRO كومپانياسى (ctagro.com)، ءوزىنىڭ قۇرىلعان ساتىنەن باستاپ 2000 جىلى قازاقستاندا اۋىل شارۋاشىلىعى تەحنيكاسىن جەتكىزۋ جانە سەرۆيستىك قىزمەت كورسەتۋ سالاسىندا سەنىمدى سەرىكتەس بولىپ تابىلادى. 2014 جىلدان باستاپ CT AGRO نيدەرلاندىداعى Royal Reesink توبىنا كىرەدى. CT AGRO كومپانياسىنىڭ قازاقستاننىڭ بارلىق وڭىرلەرىن قامتي وتىرىپ، 13 فيليالى بار جانە CLAAS، HORSCH، Valley جانە ت.ب. جوعارى ساپالى تەحنيكانى ساتىپ الۋ جانە ولارعا قىزمەت كورسەتۋدىڭ بارلىق ماسەلەلەرى بويىنشا بىرگە جۇرەدى.