بيىل جىل باسىندا قر-داعى حالىق سانى 20 ملن ادامدى قۇرادى، بۇل ءبىر جىل بۇرىنعىدان 1،3% ارتىق. حالىق سانى بىرتە-بىرتە وسۋدە، جىل سايىن شامامەن 1،3%–1،5%. تەك 2022 جىلى كارانتيننەن كەيىنگى بەبي-بۋمدا 3،3% كوبەيگەن، دەپ حابارلايدى almaty-akshamy.kz ranking.kz سىلتەمە جاساپ.
قازاقستاندىقتاردىڭ كوپشىلىگى ءداستۇرلى تۇردە ەلىمىزدىڭ وڭتۇستىك وڭىرلەرىندە — الماتى قالاسى (2،2 ملن ادام، ءبىر جىلدا 3،1% كوبەيگەن)، تۇركىستان (2،1 ملن ادام، 1،1% كوبەيگەن) جانە الماتى (1،5 ملن ادام، 1،7% كوبەيگەن) وبلىستارىندا تۇرادى. ەلوردادا 1،4 ملن ادام تۇرادى، جىلدىق ءوسىم 5،6%.
ەڭ از حالىق ۇلىتاۋ وڭىرىندە: 221،6 مىڭ ادام — ءبىر جىل بۇرىنعىدان 0،1% ارتىق. ودان كەيىن سولتۇستىك قازاقستان (530،1 مىڭ ادام) جانە اباي (607،6 مىڭ ادام) وبلىستارى.
ەلدى مەكەن بويىنشا 12،5 ملن ادام قالالاردا (ءبىر جىلدا 2% كوبەيگەن)، 7،6 ملن ادام اۋىلداردا (0،3% كوبەيگەن).بيىل 29 اقپانداعى مالىمەت بويىنشا، ەلىمىزدە قازاقستان ەسىمدى 24 ادام تىركەلگەن.
قازاقستان اتتى ازاماتتار ەڭ كوپ اقمولا وبلىسىندا تۇرادى: 7 ادام. استانادا مۇنداي ەسىمدى تاعى 5 ادام، قاراعاندى وبلىسىندا 4 ادام بار. سونىمەن قاتار، قازاقستان ەسىمدى 3 ادام قوستاناي وبلىسىندا، 2 ادام ماڭعىستاۋ وبلىسىندا، 2 ادام شىمكەنت قالاسىندا، 1 ادام باتىس قازاقستان وبلىسىندا تۇرادى.حالىق اراسىندا قازاقستانداعى قالالاردىڭ اتتاستارى دا بار. ماسەلەن، قازاقستاندىقتاردىڭ ىشىندە 24 استانا، 20 الماتى جانە 3 شىمكەنت بار.
سونىمەن قاتار، قازاقستاندا سەمەي ەسىمدى 27 ادام، اتىراۋ ەسىمدى 15 ادام، تۇركىستان ەسىمدى 15 ادام ، تاراز ەسىمدى 14 ادام، اقتاۋ ەسىمدى 10 ادام، اقتوبە ەسىمدى 1 ادام، تالدىقورعان ەسىمدى 1 ادام بار.
ساياسي قايراتكەرلەردىڭ دە اتتارى كەزدەسەدى. اتاپ ايتقاندا، قر-دا 12 قاسىم-جومارت، 1 پۋتين، 1 ترامپ جانە 8 بايدەن تۇرادى.بيىل قاڭتاردا قازاقستاندا ەڭ تانىمال ەسىمدەر مەدينا مەن اليحان بولدى. ەلىمىزدە 517 مەدينا مەن 313 اليحان بولدى.
قىزداردىڭ ەسىمدەرى بويىنشا ۇزدىك بەستىككە اسىلىم (468 ادام)، ايشا (436 ادام)، ايلين (387 ادام) جانە توميريس (318 ادام) كىردى. ۇل بالالار ەسىمدەرىنىڭ ىشىندە ەڭ تانىمال بەستىككە مۇحاممەد (305 ادام)، ايسۇلتان (238 ادام)، مۋحامماد (231 ادام) جانە الديار (219 ادام) كىردى.