ءوڭىم باعاسى دا 5%-عا وسكەن.
وتكەن جىلمەن سالىستىرعاندا، قازاقستاندا دارى-دارمەك ءوندىرىسى وسكەن، دەپ حابارلايدى Almaty-akshamy.kz Energyprom.kz cايتىنا سىلتەمە جاساپ.
وسى جىلدىڭ التى ايىنىڭ قورىتىندىسى بويىنشا، قازاقستاندا 99،3 ملرد تەڭگەگە نەگىزگى فارماسيەۆتيكالىق ءونىم وندىرىلگەن. بۇل وتكەن جىلمەن سالىستىرعاندا، 62،6%-عا ارتىق. ناقتى ءوسىم 31،1%-دى قۇرادى.
ءوندىرىستىڭ ەڭ ۇلكەن كولەمى قاراعاندى وبلىسىنا تيەسىلى: 40،5 ملرد تەڭگە، ءبىر جىلدا بۇل كورسەتكىش نەبارى 9،8 ملرد تەڭگەنى قۇراعان بولاتىن. ەستەرىڭىزگە سالا كەتسەك، ءدال وسى ايماقتا، قاراعاندى قالاسىندا، Sputnik V ۆاكسيناسى شىعارىلادى.
فارماسيەۆتيكا ءوندىرىسىنىڭ ۇلكەن كولەمى ءداستۇرلى تۇردە شىمكەنتكە (22،5 ملرد.تەڭگە)، الماتى وبلىسىنا (18 ملرد.تەڭگە) جانە الماتىعا (13،4 ملرد.تەڭگە) ءتيدى.
انىقتاما ءۇشىن: تۇتاستاي العاندا، 2020 جىلى فارماسيەۆتيكالىق ءوندىرىس كولەمى بىردەن 47،3% -عا، 141،9 ملرد تەڭگەگە دەيىن ءوستى.
دارى-دارمەك قۇنى ءبىر جىلدىڭ ىشىندە 61،1%-عا ءوستى، ءبىرىنشى جارتىجىلدىقتا 88،7 ملرد تەڭگەگە جەتتى؛ ناقتى ءوسىم 53،5% قۇرادى. وزگە دە فارماسيەۆتيكالىق ونىمدەردىڭ ءوندىرىس قۇنى 19،9%-عا ءوسىپ، 5 ملرد تەڭگەگە دەيىن جەتتى، ناقتى ءوسىم 26،3% قۇرادى.
دارى-دارمەكتىڭ يمپورتى 2021 جىلدىڭ قاڭتار-مامىرىندا 9،7 مىڭ توننانى قۇراپ، ءبىر جىل ىشىندە 22،2%-عا تومەندەدى. اقشالاي العاندا، سەكتورداعى يمپورت 431،9 ملن اقش دوللارىنا جەتتى، بۇل، كەرىسىنشە، وتكەن جىلمەن سالىستىرعاندا 2،2%-عا ارتىق.
يمپورتتىڭ 42،1% تمد ەلدەرىنە تيەسىلى: 4،1 مىڭ توننا - ءبىر جىل بۇرىنعىدان 37،5%-عا از. تمد ەلدەرىنىڭ ىشىندە يمپورتتىڭ نەگىزگى بولىگى رەسەي، ۋكراينا جانە بەلارۋسسيادان كەلەدى.
يمپورتتىڭ تاعى 57،9% الىس شەتەلدەرمەن قامتاماسىز ەتىلگەن: 391،4 ملن اقش دوللارىنا 5،6 مىڭ توننا، فيزيكالىق تۇرعىدان العاندا جىلىنا 5،3%. بۇل ەلدەر اراسىندا جۇڭگو، ءۇندىستان جانە پولشا كوش باستاپ تۇر.
2021 جىلدىڭ ماۋسىم ايىنىڭ سوڭىندا دارى-دارمەك قۇنى 4،8%-عا ءوستى. ءدارى بارىنەن بۇرىن ماڭعىستاۋ وبلىسىنىڭ تۇرعىندارىنا قىمباتقا ءتۇستى، بۇل وڭىردە ءبىر جىلدا 18،6% قامباتتاعان. سونىمەن قاتار، فارماسيەۆتيكالىق ونىمدەردىڭ باعاسى استانادا (10،9%) جانە اقمولا وبلىسىندا (10%) ايتارلىقتاي قىمباتتادى.
ەلىمىزدە فارماسيەۆتيكالىق جانە مەديسينالىق ونەركاسىپتى دامىتۋدىڭ 2020-2025 جىلدارعا ارنالعان كەشەندى جوسپارى جۇزەگە اسىرىلۋدا، دەپ حابارلايدى zakon.kz. جوسپاردى ىسكە اسىرۋ ناتيجەسىندە قازاقستاندا وندىرىلەتىن دارى-دارمەك جانە مەديسينالىق ماقساتتاعى بۇيىمداردىڭ ۇلەسى 17%-دان 50%-عا دەيىن ءوسۋى كەرەك.
