قازاقستاندا باسپانا باعاسى ءوستى

ءۇيدى جالعا الۋ دا قىمبات.

قازاقستاندا باسپانا باعاسى ءوسىپ جاتىر. وتكەن جىلمەن سالىستىرعاندا جاڭا تۇرعىن ۇيلەردى ساتۋ 19،3% وسكەن، دەپ حابارلايدى Almaty- akshamy.kz.

ۇلتتىق ستاتيستيكا بيۋروسىنىڭ مالىمەتىنشە، ءبىر جىلدا قولدانىستاعى پاتەرلەردى قايتا ساتۋ باعاسى 27،9%، جاڭا تۇرعىن ۇيلەردى ساتۋ 19،3% وسكەن.  اباتتاندىرىلعان تۇرعىن ءۇيدى جالعا الۋ تولەمى وتكەن جىلعى ءتيىستى ايمەن سالىستىرعاندا 2022 جىلعى مامىردا 22،8% ارتقان.

ۇلتتىق ستاتيستيكا بيۋروسىنىڭ باعا ستاتيستيكاسى دەپارتامەنتىنىڭ ديرەكتورى قۋانىشبەك جاقىپبەك ۇلىنىڭ ايتۋىنشا، وڭىرلىك بولىنىستە جاڭا تۇرعىن ءۇيدىڭ شارشى مەترى جىلدىق ماندە ايتارلىقتاي نۇر-سۇلتان قالاسىندا قىمباتتادى – 27،2%-عا.

«تۇرعىن ءۇيدىڭ قايتا ساتۋ نارىعىنداعى جوعارى ءوسىم تالدىقورعان قالاسىندا (48،6%)، تۇرعىن ءۇيدى جالعا بەرۋ نارىعىنداعى كوشتى الماتى قالاسى باستاپ تۇر (49،9%)»، – دەپ اتاپ ءوتتى قۋانىشبەك جاقىپبەك ۇلى.

ءبىر ايدىڭ ىشىندە، ياعني وسى جىلدىڭ مامىرى مەن ءساۋىر ايىندا  جاڭا تۇرعىن ءۇيدى ساتۋ باعالارى 1،7%، پاتەرلەردى قايتا ساتۋ 1%-عا ءوستى. اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا مامىردا 1،3% جوعارىلادى.