قۇجات رەسمي جاريالانعان كۇننەن 10 كۇن وتكەننەن كەيىن كۇشىنە ەنەدى.
ق ر وقۋ-اعارتۋ ءمينيسترى اسحات ايماعامبەتوۆتىڭ 2022 جىلعى 21 جەلتوقسانداعى بۇيرىعىمەن بالانى جابىرلەۋدىڭ (بۋللينگ) الدىن الۋ ەرەجەسى بەكىتىلدى. قۇجات رەسمي جاريالانعان كۇننەن 10 كۇن وتكەننەن كەيىن كۇشىنە ەنەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قاعيداعا سايكەس، ءبىلىم بەرۋ ۇيىمى اكىمشىلىگىنىڭ كەلىسىمى بويىنشا بالانى جابىرلەۋدىڭ (بۋللينگتىڭ) الدىن الۋ جونىندەگى جۇمىسقا اتا-انالار جۇرتشىلىعىنىڭ، قىزمەتى ءبىلىم بەرۋ پروسەسىنە قاتىسۋشىلاردىڭ قۇقىقتارىن قورعاۋعا قايشى كەلمەيتىن مۇددەلى مەملەكەتتىك ورگاندار مەن ۇيىمداردىڭ، ۇكىمەتتىك ەمەس ۇيىمداردىڭ وكىلدەرى تارتىلادى.
بالانى جابىرلەۋ (بۋللينگ) تۋرالى اقپارات جەرگىلىكتى اتقارۋشى ورگانعا نە ءبىلىم بەرۋ ۇيىمىنا كەلىپ تۇسكەن كەزدە جاۋاپتى تۇلعا اقپاراتتى بالانى جابىرلەۋ (بۋللينگ) تۋرالى اقپاراتتى ەسەپكە الۋ جۋرنالىندا تىركەيدى. بالانى جابىرلەۋ (بۋللينگ) تۋرالى كەلىپ تۇسكەن اقپارات 1 (ءبىر) كۇن ىشىندە باسشىعا جەتكىزىلەدى. بالانى جابىرلەۋ (بۋللينگ) تۋرالى اقپارات ءبىلىم بەرۋ ۇيىمىنا تۇسكەن كەزدە ءبىلىم بەرۋ ۇيىمى باسشىسىنىڭ تاربيە جۇمىسى جونىندەگى ورىنباسارى:
1) بالانى جابىرلەۋگە (بۋللينگكە) قاتىسۋشىلار تۋرالى اقپارات كەلىپ تۇسكەن كۇننەن باستاپ باستاپقى اقپاراتتى قالىپتاستىرادى، وعان مىنالار كىرەدى:
بالانىڭ (وتباسى مۇشەلەرىنىڭ) تەگى، اتى، اكەسىنىڭ اتى (بار بولسا)؛
تۇرعىلىقتى جەرى؛
وقۋ ورنى بويىنشا بالانىڭ جالپى سيپاتتاماسى؛
سىنىپ جەتەكشىسىنىڭ، كۋراتوردىڭ، بالانى (پەداگوگتى) جابىرلەۋگە (بۋللينگكە) قاتىسۋشىلاردىڭ جانە (نەمەسە) بالانىڭ زاڭدى وكىلدەرىنىڭ جازباشا تۇسىندىرمەسى.
2) اقپارات كەلىپ تۇسكەننەن كەيىن ءبىر جۇمىس كۇنى ىشىندە سىنىپ جەتەكشىسىن، پەداگوگ-پسيحولوگتى تارتا وتىرىپ، جابىرلەۋگە (بۋللينگكە) ۇشىراعان بالامەن، سونداي-اق جابىرلەۋدىڭ (بۋللينگتىڭ) باستاماشىسىمەن/قوزدىرۋشىسىمەن جانە ولاردىڭ زاڭدى وكىلدەرىمەن اڭگىمەلەسۋ جۇرگىزەدى؛
3) بالانى جابىرلەۋگە (بۋللينگكە) بايلانىستى جانجالدى بەيبىت جولمەن رەتتەۋ جونىندە شارالار قابىلدايدى؛
4) مەديسينالىق ايعاقتار بولعان كەزدە مەديسينالىق كومەك كورسەتۋ ستاندارتتارىنا سايكەس جابىرلەۋدەن (بۋللينگتەن) زارداپ شەككەن بالالارعا مەديسينالىق كومەك كورسەتۋگە جاردەمدەسەدى؛
5) اڭگىمەلەسۋ وتكىزىلگەننەن كەيىن ءبىر جۇمىس كۇنى ىشىندە جۇرگىزىلگەن جۇمىستىڭ ناتيجەلەرى تۋرالى اقپاراتتى ءبىلىم بەرۋ ۇيىمدارىنىڭ باسشىسىنا بەرەدى.
بۇيرىقتىڭ تولىق نۇسقاسىمەن مىنا جەردەن تانىسۋعا بولادى.