قازاقستاندا اۆتوۆوكزالدارعا، اۆتوستانسيالارعا جانە جولاۋشىلار تاسىمالىنا قويىلاتىن تالاپتار بەلگىلەندى، دەپ حابارلايدى اqshamnews.kz
ق ر سيم تەحنيكالىق رەتتەۋ جانە مەترولوگيا كوميتەتى ۇلتتىق ستاندارتتاردى بەكىتتى:
– ق ر ست 2271-2020 «ساپارجايلاردىڭ، اۆتوستانسيالاردىڭ جانە جولاۋشىلارعا قىزمەت كورسەتۋ پۋنكتتەرىنىڭ قىزمەتتەرى»؛
– ق ر ست 2272-2020 «تاكسيمەن تاسىمالداۋ بويىنشا اۆتوكولىك قىزمەتتەرى. جالپى تالاپتار»؛
– ق ر ست 2273-2020 «تۇراقتى جانە تۇراقتى ەمەس جولاۋشى تاسىمالدارى بويىنشا اۆتوكولىك قىزمەتتەرى. جالپى تالاپتار»؛
ستاندارتتاردى قازاقستان رەسپۋبليكاسى كولىك مينيسترلىگىنىڭ باستاماسىمەن «قازاقستان ستاندارتتاۋ جانە مەترولوگيا ينستيتۋتى» ازىرلەدى.
ق ر ست 2271-2024 «ساپارجايلاردىڭ، اۆتوستانسيالاردىڭ جانە جولاۋشىلارعا قىزمەت كورسەتۋ پۋنكتتەرىنىڭ قىزمەتتەرى» ۇلتتىق ستاندارتىنا سايكەس:
- اۆتوۆوكزالدار مەن اۆتوستانسيالار اۆتوموبيل تاسىمالداۋشىلارىمەن، ونىڭ ىشىندە اۆتوتاسىمالداۋشىلار پالاتاسىنىڭ مۇشەلەرىمەن شارت بولعان كەزدە اۆتوبۋستاردى رەيس الدىنداعى تەحنيكالىق تەكسەرۋدى ۇيىمداستىر ءتيىس.
- اۆتوۆوكزالداردا اۆتوبۋس جۇرگىزۋشىلەرىنىڭ ەكيپاجدارىنىڭ ۇزاق (تۇنگى) دەمالىسىن ۇيىمداستىرۋعا ارنالعان ءۇي-جايلار بولۋى ءتيىس جانە ت.ب.
ق ر ست 2272-2024 جاڭا ستاندارتقا سايكەس «تاكسيمەن تاسىمالداۋ بويىنشا اۆتوكولىك قىزمەتتەرى. جالپى تالاپتار» اۆتوموبيل تاسىمالداۋشىلار پالاتاسىنىڭ ەرەجەلەرى مەن ستاندارتتار تالاپتارىنا سايكەس جابدىقتالعان جەڭىل سەريالى اۆتوموبيلدەرمەن جۇزەگە اسىرىلادى. سونداي-اق مۇگەدەكتىگى بار ادامدار ءۇشىن تاكسي تاسىمالدارىنىڭ قولجەتىمدىلىگى، ونىڭ ىشىندە مۇگەدەكتىگى بار ادامداردى تاسىمالداۋعا ارنالعان ارنايى تۇرلەندىرىلگەن اۆتوموبيلدەر، قاجەتتى احۋالدىق كومەك كورسەتۋ، باگاجدى تيەۋ جانە ءتۇسىرۋ، سونداي-اق مۇگەدەكتىگى بار ادامداردىڭ تىنىس-تىرشىلىگىن جانە ءجۇرىپ-تۇرۋىن قامتاماسىز ەتۋگە ارنالعان جابدىقتار جانە باسقا دا جاعدايلار كورسەتىلگەن.
ق ر ست 2273-2024 «تۇراقتى جانە تۇراقتى ەمەس جولاۋشى تاسىمالدارى بويىنشا اۆتوكولىك قىزمەتتەرى. جالپى تالاپتار» تاسىمالداۋشىعا، سونداي-اق كولىك قۇرالىن دايىنداۋشىنىڭ تەحنيكالىق قۇجاتتاماسىنىڭ تالاپتارىنا، «دوڭعالاقتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتىنە جانە ق ر ست 41.36، ق ر ست 41.52 ۇلتتىق ستاندارتتارىنا سايكەس كەلەتىن اۆتوبۋستارعا قويىلاتىن تالاپتاردى بەلگىلەيدى، سونداي-اق شۇعىل جەدەل قىزمەتتەردى شاقىرۋ قۇرىلعىسىمەن جيناقتالادى.
بۇل وزگەرىستەر قازاقستانداعى جول قوزعالىسىنىڭ بارلىق قاتىسۋشىلارى ءۇشىن جوعارى دەڭگەيدەگى جايلىلىق پەن قاۋىپسىزدىكتى قالىپتاستىرۋعا باعىتتالعان.