بۇل تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتتى.
قىزىلوردادا اۆتوموبيل مەن سمارتفونعا قاجەت شىنىلار شىعارىلادى، دەپ حابارلايدى Almaty-akshamy.kz
ءىرى كاسىپورىنداردىڭ اينالاسىندا شاعىن جانە ورتا بيزنەس بەلدەۋى قۇرىلادى. مۇنىڭ ارقاسىندا بۇرىن يمپورتتالىپ كەلگەن تاۋارلار ەندى وزىمىزدە شىعارىلادى.
«قىزىلوردا وبلىسىنىڭ اكىمدىگىمەن بىرلەسە وتىرىپ، «وردا-Glass» ج ش س شىنى زاۋىتى بازاسىندا اۆتوموبيل شىنىلارىن، شىنى تالشىقتارىن، شىنىدان جاسالعان ىدىستار، ىدىس-اياق، تەرەزە شىنىلارى مەن سمارتفوندارعا ارنالعان جۇقا شىنىلاردى وندىرەتىن شاعىن زاۋىتتار سالا وتىرىپ، شىنىدان دايىندالاتىن بۇيىمدار ءوندىرىسىن پىسىقتاي باستادىق»، - دەيدى وسكەنبايەۆ.
ونىڭ ايتۋىنا قاراعاندا، جۇمىس ىستەپ تۇرعان كاسىپورىندار مەن جاڭا جوبالارعا دا قاتىستى وسىنداي تاسىلدەر قولدانىلادى.
«ءىرى جۇيە قۇراۋشى كاسىپورىنداردى قولداۋ، سونداي-اق شاعىن جانە ورتا كاسىپكەرلەرگە ينفراقۇرىلىم ۇسىنۋ ەسەبىنەن بۇرىن يمپورتتالعان تاۋارلار وقشاۋلاناتىن بولادى»، - دەيدى وسكەنبايەۆ.
2021 جىلدىڭ قورىتىندىسى بويىنشا، جەر قويناۋىن پايدالانۋشىلار مەن كاسىپورىنداردىڭ 4 ترلن تەڭگە كولەمىندەگى تاۋارلارى ساتىپ الىنعان، ونىڭ ىشىندە يمپورت كولەمى 2،9 ترلن تەڭگە بولعان.