قازاقستاندا اۆتوگازدىڭ شەكتى باعاسى بەكىتىلدى

قازاقستان رەسپۋبليكاسى ەنەرگەتيكا ءمينيسترى سۇيىتىلعان مۇناي گازىنىڭ بولشەك ساۋداداعى شەكتى باعالارىن بەكىتۋ تۋرالى بۇيرىققا قول قويدى. ەندى 2024 جىلدىڭ 1 اقپانىنان باستاپ اۆتوگازدىڭ قۇنى ەلىمىزدىڭ بارلىق وڭىرلەرىندە وسەدى، دەپ حابارلايدى aqshamnews.kz

جاڭا باعالار كەلەسىدەي:

استانا – 102 تەڭگە (بۇرىن 82 تەڭگە) 

الماتى – 102 تەڭگە (بۇرىن 89 تەڭگە) 

شىمكەنت – 90 تەڭگە (بۇرىن 70 تەڭگە) 

اقتوبە، اتىراۋ وبلىستارى – 77 تەڭگە (بۇرىن 59 تەڭگە)، شالعاي اۋدانداردا – 82 تەڭگە 

اقمولا وبلىسى – 102 تەڭگە (بۇرىن 84 تەڭگە)، شالعاي اۋدانداردا – 107 تەڭگە 

الماتى وبلىسى – 102 تەڭگە (بۇرىن 89 تەڭگە)، شالعاي اۋدانداردا – 107 تەڭگە 

جامبىل وبلىسى – 90 تەڭگە (بۇرىن 78 تەڭگە)، شالعاي اۋدانداردا – 95 تەڭگە 

باتىس قازاقستان وبلىسى – 77 تەڭگە (بۇرىن 70 تەڭگە)، شالعاي اۋدانداردا – 82 تەڭگە 

قىزىلوردا وبلىسى – 90 تەڭگە (بۇرىن 70 تەڭگە)، شالعاي اۋدانداردا – 95 تەڭگە 

ماڭعىستاۋ وبلىسى – 65 تەڭگە (بۇرىن 59 تەڭگە)، شالعاي اۋدانداردا – 70 تەڭگە 

پاۆلودار وبلىسى – 102 تەڭگە (بۇرىن 81 تەڭگە)، شالعاي اۋدانداردا – 107 تەڭگە 

سولتۇستىك قازاقستان وبلىسى – 102 تەڭگە (بۇرىن 89 تەڭگە)، شالعاي اۋدانداردا – 107 تەڭگە 

تۇركىستان وبلىسى – 90 تەڭگە (بۇرىن 70 تەڭگە)، شالعاي اۋدانداردا – 95 تەڭگە 

شىعىس قازاقستان، قوستاناي، قاراعاندى، جەتىسۋ، ۇلىتاۋ، اباي وبلىستارى – 102 تەڭگە (بۇرىن 84 تەڭگە)، شالعاي اۋدانداردا – 107 تەڭگە.

مينيستر الماسادام ساتقالييەۆ بۇعان دەيىن ەلدە سۇيىتىلعان گاز كولەمى بويىنشا بەلگىلى ءبىر ماسەلەلەر بار ەكەنىن اتاپ وتكەن بولاتىن. ونىڭ ايتۋىنشا، اۆتوگاز باعاسى مۇناي ونىمدەرىنىڭ نارىقتىق قۇنىنا بايلانىستى بىرتىندەپ وسەدى. دەگەنمەن، تۇتىنۋ كولەمى ۇلعايعان جاعدايدا دا قازاقستان قوسىمشا گاز يمپورتتاۋدى جوسپارلامايدى. جاڭا باعا ەنگىزىلگەننەن كەيىن بۇل شەشىم كولىك يەلەرىنىڭ شىعىندارىنا قالاي اسەر ەتەتىنىن ۋاقىت كورسەتەدى. سۇيىتىلعان گازدى پايدالاناتىن جۇرگىزۋشىلەر ءۇشىن بۇل وزگەرىستەر ايتارلىقتاي اسەر ەتۋى مۇمكىن.