الكوگولدىك ىشىمدىكتەردىڭ ءليترى 2100 تەڭگە بولىپ بەكىتىلدى.
12 ماۋسىمدا «اراقتارعا جانە ايرىقشا اراقتارعا، تاۋار شىعارىلعان جەردىڭ اتاۋى قورعالعان اراقتارعا، كۇشتىلىگى جوعارى ليكەر-اراق بۇيىمدارىنا، كونياك پەن برەنديگە ەڭ تومەن بولشەك ساۋدا باعالارىن بەلگىلەۋ تۋرالى» قاۋلىسى بەكىتىلدى. بۇل تۋرالى اشىق نقا پورتالىندا جاريالاندى.
وسىلايشا، ەڭ تومەنگى بولشەك باعالار بەلگىلەندى.
«اراقتار مەن ارنايى اراقتار، شىعۋ جەرى قورعالعان بەلگىسى بار اراقتار، كۇشتى الكوگولدىك ىشىمدىكتەردىڭ ءليترى 2100 تەڭگە مولشەرىندە، كونياك پەن برەندي ليترىنە 3110 تەڭگە بەكىتىلدى» – دەلىنگەن حابارلامادا.
جارلىق 2023 جىلدىڭ 1 شىلدەدەن باستاپ كۇشىنە ەنەدى.
ءقازىر اراق پەن ەرەكشە اراقتىڭ، تاۋار شىعارىلعان جەردىڭ قورعالعان اتاۋى بار اراقتىڭ، كۇشتى ليكەر-اراق ونىمدەرىنىڭ باعاسى ليترىنە 1980 تەڭگەنى قۇرايدى. ال 1 قازاننان باستاپ ءليترىنىڭ باعاسى 2100 تەڭگە بولادى. كونياك پەن برەنديدىڭ ەڭ تومەنگى قۇنى ازىرگە ليترىنە 2930 تەڭگە دەڭگەيىندە ساقتالادى، ال قازان ايىنان باستاپ ليترىنە 3110 تەڭگەگە دەيىن وسەدى.