التىننىڭ رەسمي قۇنى 1 گرامم ءۇشىن 27 247،9 تەڭگەنى قۇرادى.
قازاقستاننىڭ ۇلتتىق بانكىنىڭ مالىمەتىنشە، 21 جەلتوقسانداعى التىننىڭ رەسمي قۇنى 1 گرامم ءۇشىن 27 247،9 تەڭگەنى قۇراعان. بۇل 16 تامىزدان باستاپ، ياعني 4 ايدان استام ۋاقىتتان بەرى ەڭ جوعارى كورسەتكىش بولىپ وتىر، دەپ حابارلايدى Almaty-akshamy.kz Inbusiness.kz سىلتەمە جاساپ.
4 قاراشادا التىن قۇنى 24،2 مىڭ تەڭگەدەن از بولدى. بۇل 2021 جىلدىڭ قازان ايىنان باستاپ ەسەپتەگەندە ەڭ تومەن كورسەتكىش. كەلەسى ءبىر جارىم اي ىشىندە ءبىر گرامم باعالى مەتالدىڭ قۇنى 3،1 مىڭ تەڭگەگە نەمەسە 12،8%-عا ءوستى.
رەسۋرستىڭ مالىمەتىنشە، التىننىڭ الەمدىك باعاسىنىڭ وسۋىنە دوللاردىڭ السىرەۋى، نارىقتاردىڭ قۇلدىراۋى جانە گەوساياسي جاعدايدىڭ شيەلەنىسۋى اسەر ەتىپ وتىر. باعالى مەتالعا دەگەن قىزىعۋشىلىق ارتىپ كەلەدى.
ياعني، ينۆەستورلار قارجى نارىعىندا تۇراقسىزدىق پايدا بولعان كەزدە التىنعا باسىمدىق بەرە باستايدى. بۇل ءوز كەزەگىندە باعالى مەتالل باعاسىنىڭ كوتەرىلۋىنە اكەلەدى.