قازاقستاندىقتاردى تۇرعىن ۇي-كوممۋنالدىق شارۋاشىلىق سالاسىنا قاتىستى جاڭا الاياقتىق ءتۇرى تۋرالى ەسكەرتىپ جاتىر، دەپ حابارلايدى aqshamnews.kz
الاياقتىقتىڭ جاڭا تۇرلەرى تۋرالى حابار بەرۋگە ماماندانعان aqparatsaqsysy Telegram ارناسىندا قازاقستاندىقتارعا سۋ جەتكىزۋ كومپانيالارىنىڭ جالعان قىزمەتكەرلەرى قوڭىراۋ شالا باستاعانى تۋرالى اقپارات جاريالاندى.
بۇل تۋرالى الدانىپ قالعان جازىلۋشىلار حابارلاعان.
«الاياقتار سۋ جەتكىزۋ كومپانيالارىنىڭ اتىنان ۇيالى تەلەفوندارعا قوڭىراۋ شالىپ، ەسەپتەگىشتەردى تەكسەرۋ قاجەت ەكەنىن ايتادى. نەمەسە ولار بىردەن سۋىق جانە ىستىق سۋ ەسەپتەگىشتەرىنىڭ پايدالانۋ مەرزىمى وتكەنىن ايتىپ، ولاردى جاڭالارىنا اۋىستىرۋ كەرەكتىگىن ەسكەرتەدى. كوپ ادامدار ەسەپتەگىشتەردى قاشان اۋىستىرۋ كەرەكتىگىن بىلمەيدى، ال كەيبىرەۋلەرىندە بۇل مەرزىمدەر شىنىمەن دە جاقىنداپ قالۋى مۇمكىن. ءبىراق الاياقتار جەكە دەرەكتەردىڭ بازالارى ارقىلى ءسىز تۋرالى كوپ اقپارات ءبىلۋى مۇمكىن»، – دەلىنگەن حابارلامادا.
سونىمەن قاتار، الاياقتار پوشتا جاشىكتەرىنە تەكسەرۋ نەمەسە ەسەپتەگىشتەردى اۋىستىرۋ قاجەتتىگى تۋرالى حابارلامالار تاراتىپ، وزدەرىنىڭ بايلانىس دەرەكتەرىن كورسەتەدى. نەمەسە تۇبىرتەكتەردى جالعان جاسايدى، وعان فەيك حابارلامالار مەن بايلانىس دەرەكتەرىن قوسادى.
«ەسەپتەگىشتەردى تەكسەرۋدەن نەمەسە اۋىستىرۋدان باس تارتقان جاعدايدا الاياقتار كوممۋنالدىق تولەمدەردىڭ كۇرت وسۋىمەن قورقىتادى. كەيدە ولار زاڭدا جوق ايىپپۇلدار تۋرالى ايتادى»، – دەءيدى ماماندار.
مۇنداي ارەكەتتەر كەلەسى سالدارعا اكەلۋى مۇمكىن:
- ادام جالعان تەكسەرۋ ءۇشىن اقى تولەيدى، ءبىراق ونىڭ زاڭدى كۇشى بولمايدى، ويتكەنى الاياقتاردىڭ ناقتى اككرەديتاسياسى جوق؛
- ءسىزدىڭ ەسەپتەگىشتەرىڭىزدى ادەيى ىستەن شىعارىپ (مىسالى، ماگنيتتىڭ كومەگىمەن) جانە ولاردى قىمبات باعادا جاڭاعا اۋىستىرۋدى ۇسىنادى. ولار مۇنى ءدال ءقازىر جاساۋدى ۇسىنادى، ويتكەنى ەسەپتەگىشتەردىڭ كورسەتكىشتەرى كوپ بولىپ كەتۋى مۇمكىن. الايدا، ارزان (ءبىراق ءسىز ءۇشىن قىمبات) ەسەپتەگىشتى اۋىستىرعان كەزدە ولار پلومبانى مىندەتتى تۇردە زاقىمدايدى، بۇل ۇلكەن قۇقىقبۇزۋشىلىق بولىپ تابىلادى. مۇندا شىعىندار شىن مانىندە بىرنەشە ەسەگە ارتۋى مۇمكىن؛
- سونداي-اق، الاياقتار ءسىزدىڭ سۋ قۇبىرىڭىزداعى سۋدىڭ ساپاسىن تەكسەرگەن بولىپ، ونىڭ لاستانعانىن جانە دەنساۋلىققا ءقاۋىپتى ەكەنىن حابارلاۋى مۇمكىن. سودان كەيىن ولار سىزگە قىمبات، ءبىراق شىن مانىندە ارزان سۇزگىلەردى ساتىپ الۋدى ۇسىنادى.
مۇنداي الداۋلارعا ءتۇسىپ قالماۋ ءۇشىن نە ىستەۋ كەرەك؟
«ەسەپتەگىشتىڭ پاسپورتىن زەرتتەپ، ونىڭ پايدالانۋ مەرزىمى مەن تەكسەرۋ مەرزىمدەرىن تابىڭىز. سۋ جەتكىزۋ كومپانياسىنا قوڭىراۋ شالىپ، وسى ماسەلەگە قاتىستى اقپاراتتى ناقتىلاڭىز. ەسەپتەگىشتەردى تەكسەرۋ جانە اۋىستىرۋ قىزمەتتەرى ول جەردە الاياقتارمەن سالىستىرعاندا الدەقايدا ارزان بولادى. بايلانىس دەرەكتەرىن تۇبىرتەكتەن نەمەسە وسي ءتوراعاسىنان الۋعا بولادى»، – دەءيدى زاڭگەرلەر.