تانكەر فلوتى جۇمىسىن جولعا قويماق.
قازاقستان Abu Dhabi Ports-پەن بىرلەسىپ تەڭىز فلوتىن قۇرادى، دەپ حابارلايدى Almaty-akshamy.kz LS سىلتەمە جاساپ.
"قازمۇنايگاز" كومپانياسىنىڭ اقپاراتى بويىنشا، ستراتەگيالىق ارىپتەستىك تۋرالى قول قويىلعان كەلىسىم شەڭبەرىندە كاسپيي تەڭىزىندەگى مۇناي-گاز جوبالارى ءۇشىن تەڭىز قىزمەتتەرىن كورسەتۋگە "استانا" حالىقارالىق قارجى ورتالىعى (احقو) بازاسىندا بىرلەسكەن كاسىپورىن قۇرىلاتىن بولادى.
كومپانيالار بىرلەسكەن كاسىپورىنعا (بك) "قازاقتەڭىزكولىكفلوتى" جانە International Maritime Investments Ltd كومپانيالارى ارقىلى قاتىساتىن بولادى.
بۇدان باسقا، كاسپيي تەڭىزىندەگى وفشورلىق جوبالاردى قولداۋ ءۇشىن فلوت (ءارتۇرلى ۇلگىدەگى شاعىن وتىراتىن كەمەلەر)، سونداي-اق قازاقستاندىق مۇناي ەكسپورتىنىڭ بالامالى مارشرۋتتارىن (اقتاۋ پورتى ارقىلى ءازىربايجان باعىتىندا) دامىتۋدى ەسكەرە وتىرىپ، تانكەر فلوتى جۇمىسىن جولعا قويماق.
سونىمەن قاتار، بىرلەسكەن وندىرىسكە قاتىسۋشىلار ساۋدا فلوتىن قۇرۋ مۇمكىندىكتەرىن زەرتتەيدى. بۇل "سولتۇستىك – وڭتۇستىك" (رەسەي – يران) باعىتى بويىنشا جالپى جۇكتەردى تاسىمالداۋعا قاتىسۋ ءۇشىن كونتەينەرلىك پارومدار (ترانسكاسپيي باعىتى بويىنشا قىتايدان ەۋروپاعا ترانزيت) جانە قۇرعاق جۇك كەمەلەرىن سالۋ/ساتىپ الۋ.
قمگ باسشىسى ماعزۇم مىرزاعالييەۆ بك وسى جىلدان باستاپ قازاقستاننىڭ ينۆەستيسيالىق جوبالارىنا تارتىلاتىنىن اتاپ ءوتتى.
"ءبىز Abu Dhabi Ports كومپانياسىنىڭ تەڭىز مۇناي-گاز كەن ورىندارىن يگەرۋ جوبالارىنا جانە قازاقستاننىڭ كولىك-لوگيستيكالىق جوبالارىنا قىزمەت كورسەتۋ تاجىريبەسىن پايدالانامىز دەپ ۇمىتتەنەمىز"، - دەپ قوستى ول.
بۇرىن LS رەداكسياسى پاروم فلوتىنىڭ قۇرىلىسى تۋرالى ەگجەي-تەگجەيلى حابارلاعان بولاتىن.
انىقتاما
Abu Dhabi Ports – بىرىككەن اراب امىرلىكتەرىنىڭ پورت، ونەركاسىپتىك جانە لوگيستيكالىق وپەراتورى. ءباا مەن گۆينەياداعى 11 پورت پەن تەرمينالدى باسقارادى، سونىمەن قاتار ابۋ-دابي حاليفا يندۋستريالدى ايماعىندا 550 شارشى شاقىرىمنان استام اۋماقتى قامتيدى.