ءماجىلىس دەپۋتاتى عالىمجان ەلەۋوۆ مەديسينالىق وڭالتۋ سالاسىنداعى ماسەلەلەردى كوتەرىپ، دەنساۋلىق ساقتاۋ مينيسترىنە دەپۋتاتتىق ساۋال جولدادى، دەپ حابارلايدى Almaty-akshamy.kz.
دەپۋتاتتىڭ ايتۋىنشا، بۇگىندە 600 مىڭعا جۋىق ادام وڭالتۋدى قاجەت ەتەتىن اۋرۋلاردان زارداپ شەگەدى. مەديسينالىق ساقتاندىرۋ جۇيەسىن ەنگىزۋمەن مەديسينالىق وڭالتۋدى قارجىلاندىرۋ 13 ەسەگە ءوسىپ، 2023 جىلى 78 ملرد تەڭگەنى قۇرادى. پاسيەنتتەردى مەديسينالىق وڭالتۋ قىزمەتىمەن قامتۋ 6 ەسەگە جۋىق ارتتى،-دەپ جازدى قازاقپارات.
عالىمجان ەلەۋوۆ اتاپ وتكەندەي، جەتكىزۋشىلەردىڭ 70 پايىزىندا بىلىكتى ماماندار جوق، كوپتەگەن جەتكىزۋشىلەردە قاجەتتى جابدىق جوق. كىلەم، تارازى، ديۆان، ماسساج - وسىلايشا بىزدە وڭالتۋ ورتالىقتارى اشىلادى. ال وسى ورتالىقتاردا كىم ەمدەلىپ جاتقانىن ەشكىم باقىلامايدى.
«بەلگىلى ءبىر وڭالتۋ الەۋەتى جوق، كوبىنەسە ەشقانداي كورسەتكىشتەرى جوق پاسيەنتتەر قابىلدانادى نەمەسە تاڭدالادى. نەلىكتەن ءبىز مەديسينالىق ساقتاندىرۋ اقشاسىن ىسىراپ ەتۋگە جول بەرەمىز؟ مەديسينالىق ساقتاندىرۋ قورى بارلىق جۇمىسىن شۇعىل تۇردە سيفرلاندىرۋى كەرەك. ويتكەنى، حالىق اقشاسىن سەنىپ تاپسىرىپ وتىر»،-دەدى ەلەۋوۆ.
وسىعان وراي، دەپۋتات دەنساۋلىق ساقتاۋ مينيسترلىگىنەن ءتيىستى شارا قولدانۋدى سۇرادى.