2024 جىلدىڭ 9 ايىنىڭ قورىتىندىسى بويىنشا قازاقستاندا 5 مىڭنان استام تراكتور مەن كومباين شىعارىلدى، دەپ حابارلايدى aqshamnews.kz
اۋىل شارۋاشىلىعى ماشينالارىن جاساۋدا سوڭعى 5 جىلدا ءوندىرىس كولەمى زاتتاي تۇردە 4 ەسەگە ءوستى. بيىلعى 9 ايدىڭ قورىتىندىسى بويىنشا 5 مىڭنان استام تراكتور مەن كومباين شىعارىلدى. مۇنداي مالىمەتتەردى ۇكىمەت وتىرىسىندا ونەركاسىپ جانە قۇرىلىس ءمينيسترى قانات شارلاپايەۆ ايتتى.
قازاقستاندىق اۋىل شارۋاشىلىعى تاۋارىن وندىرۋشىلەر وتاندىق ءوندىرىستىڭ، ونىڭ ىشىندە CLAAS، Horsch، Deutz Fahr الەمدىك برەندتەرىنىڭ زاماناۋي تەحنيكاسىمەن قامتاماسىز ەتىلگەن. بيىل جاڭا ءىرى ينۆەستورلار – Amazone جانە Zoomlion كەلدى.
ءىرى گاباريتتى بولشەكتەر ءوندىرىسى ىسكە قوسىلدى: تراكتور كابينالارى مەن كومباين بۋنكەرلەرى. وندىرۋشىلەر مەن ساباقتاس وندىرىستەر اراسىندا كووپەراسيا جولعا قويىلعان. قوستاناي قالاسىندا لوكاليزاسيا ورتالىعى قۇرىلدى، وندا كومپونەنتتىك بازانى ءوندىرۋ بويىنشا سەحتار ۇيىمداستىرىلدى.
سەكتوردى ودان ءارى دامىتۋ اسپالى جانە تىركەمەلى تەحنيكا شىعارۋدى ۇلعايتۋعا باعىتتالاتىن بولادى.