بارلىعى 12 مىڭنان استام سوتتالعانعا راقىمشىلىق جاسالادى
قازاقستاندا 5 مىڭنان استام سوتتالعانعا راقىمشىلىق جاسالدى، دەپ حابارلايدى Almaty-akshamy.kz ءىىم قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتىنە سىلتەمە جاساپ.
كوميتەتتىڭ مالىمەتىنشە، بارلىعى 12 مىڭنان استام سوتتالعانعا راقىمشىلىق جاسالادى.
قازىرگى ۋاقىتتا ەلىمىزدىڭ قىلمىستىق-اتقارۋ جۇيەسى مەكەمەلەرىندە 34 مىڭنان استام ۇستالادى. «قازاقستان رەسپۋبليكاسى تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى» زاڭعا قول قويىلعان كۇننەن باستاپ باس بوستاندىعىنان ايىرۋ ورىندارىنداعى 945 ادام جازادان بوساتىلدى، تاعى 1 102 سوتتالعانعا جازانىڭ وتەلمەگەن مەرزىمدەرىن قىسقارتتى.
"سوتتىڭ شەشىمى جاريالاعاننان كەيىن سوتتالعاندار دەرەۋ بوساتىلۋعا جاتادى. بۇعان دەيىن وتكەن راقىمشىلىقتار قاۋلىنىڭ زاڭدى كۇشىنە ەنۋىن كۇتۋدى كوزدەيتىن جانە سوتتالعاندار 15 كۇن وتكەننەن كەيىن عانا پەنيتەنسيارلىق مەكەمەلەردەن بوساتىلۋى مۇمكىن بولاتىن. بۇل ىزگىلىك اكتىسى قوعامنان وقشاۋلاۋسىز قىلمىستىق جازاعا تارتىلعان ادامدارعا دا قولدانىلادى"، - دەلىنگەن حابارلامادا.
جازادان بوساتىلعان پروباسيا قىزمەتىنىڭ ەسەبىندە تۇرعانداردىڭ سانى بۇگىندە 1 741 ازاماتتى قۇرايدى. سوتتار جازانىڭ وتەلمەگەن مەرزىمىن قىسقارتۋ تۋرالى شەشىمدى 1،7 مىڭ ەسەپكە الىنعان ادامعا قاتىستى قابىلدادى.
ەستەرىڭىزگە سالا كەتەيىك، راقىمشىلىق اكتىسى قىلمىستىق-قۇقىقتىق قاتىناستاردىڭ بەلگىلى ءبىر اسپەكتىلەرىنە عانا قاتىستى. ول ازاماتتاردى وڭالتۋعا ەمەس، تەك قىلمىس جاساعان ادامداردىڭ جاعدايىن جەڭىلدەتۋگە باعىتتالعان.
راقىمشىلىق جازادان تولىق نەمەسە ءىشىنارا بوساتۋدان، نەعۇرلىم جەڭىلگە اۋىستىرۋدان نەمەسە قىلمىستىق قۋدالاۋدى توقتاتۋدان تۇرادى.
ايتا كەتۋ كەرەك، ول ازاماتتار مەن مەملەكەتتىڭ قاۋىپسىزدىگىنە ەلەۋلى قاتەر توندىرمەيتىن قىلمىس جاساعان ادامدارعا قولدانىلادى، الەۋمەتتىك وسال توپتارعا – كامەلەتكە تولماعاندارعا، ايەلدەر مەن ەگدە جاستاعى ەر كىسىلەرگە، مۇگەدەكتىگى بار ادامدارعا (1 جانە 2-توپتار) ەرەكشە كوڭىل بولىنەدى.
بىلتىردان باستاپ قاج بولىنىستەرى سوتقا 11 مىڭنان استام ماتەريال جىبەردى: مەكەمەلەردەن – 2 310، پروباسيا قىزمەتىنەن – 9 321 ماتەريال جولداندى.