گەولوگيالىق بارلاۋداعى جي تەحنولوگيالارى: قازاقستاندا 2،5 ملن گەولوگيالىق اقپارات سيفرلىق فورماتقا اۋىستىرىلدى، دەپ حابارلايدى aqshamnews.kz
ۇكىمەت وتىرىسىندا گەولوگيالىق سالانى دامىتۋ ماسەلەسى قارالىپ، پرەمەر-مينيستر ولجاس بەكتەنوۆ گەولوگيالىق بارلاۋعا ينۆەستيسيالار تارتۋ جانە سالانىڭ بولاشاعىن تالداۋعا مۇمكىندىك بەرەتىن سيفرلىق تەحنولوگيالاردى ەنگىزۋدىڭ ماڭىزدىلىعىن اتاپ ءوتتى.
ونەركاسىپ جانە قۇرىلىس ءمينيسترى قانات شارلاپايەۆ باستاپقى گەولوگيالىق اقپاراتتى سيفرلاندىرۋ جۇمىستارىنىڭ بارىسىن باياندادى. بۇگىنگى تاڭدا 2،5 ملن دەرەك سيفرلىق فورماتقا اۋىستىرىلدى. بۇل جۇمىس جاساندى ينتەللەكت (جي) تەحنولوگيالارىن قولدانۋ ارقىلى جەتىلدىرىلەدى. 2024 جىلدىڭ سوڭىنا دەيىن تاعى 1،5 ملن دەرەكتى سيفرلاندىرۋ جوسپارلانعان. جالپى پروسەسس 2026 جىلدىڭ سوڭىنا دەيىن اياقتالادى دەپ كۇتىلۋدە.
زەرتتەلگەن جەر قويناۋىنىڭ اۋدانى 2 ملن م²-گە دەيىن ۇلعايتىلدى. شىعىس قازاقستاندا مينەرالدىق رەسۋرستاردىڭ پەرسپەكتيۆالى كەن ورىندارىن شەتەلدىك گەولوگيالىق قىزمەتتەرمەن بىرلەسىپ ىزدەستىرۋ جۇمىستارى جۇرگىزىلۋدە.
كومىرسۋتەك شيكىزاتى سالاسىندا كۇردەلى كەن ورىندارىن بارلاۋعا ينۆەستيسيالار تارتۋ ءۇشىن جاقسارتىلعان مودەلدىك كەلىسىمشارت تەتىگى ەنگىزىلدى. 12 ۋچاسكەدە ىزدەستىرۋ جۇمىستارى اياقتالۋعا جاقىن. اسىرەسە ليتييگە دەگەن سۇرانىس جوعارى. ليتيي ىزدەستىرۋ بايانكول وڭىرىندە جانە ارال–كاسپيي اۋماعىندا جۇرگىزىلىپ جاتىر.
بيىل شامامەن 1 ملن شارشى شاقىرىم اۋماقتا پايدالى قاتتى قازبالاردى بارلاۋ الاڭدارى اشىلدى. بۇل Riotinto، Fortescue، Arras Minerals سياقتى ءىرى حالىقارالىق كومپانيالاردى تارتۋعا مۇمكىندىك بەردى.
دەگەنمەن، قاتتى پايدالى قازبالار مەن كومىرسۋتەك قورلارىن كەڭەيتۋ بويىنشا ىزدەستىرۋ جۇمىستارىنىڭ بەلسەندىلىگى تومەن ەكەنى اتاپ ءوتىلدى.
«قولدا بار جۇمىس تاسىلدەرىن وزگەرتۋ كەرەك. مينەرالدىق-شيكىزات بازاسىن ءتيىمدى پايدالانىپ، جاڭا كەن ورىندارىن يگەرۋ بويىنشا ناقتى مەملەكەتتىك ساياسات ازىرلەۋ قاجەت. پايدالى قازبالاردىڭ ساپالىق قۇرامى تومەندەپ بارادى. بۇل سالاعا ينۆەستيسيا تارتۋ ءۇشىن جەڭىلدىكتەر قاراستىرۋ كەرەك»، — دەدى پرەمەر-مينيستر7