ونىڭ 152 ميلليونى قازاقستاندا دارىلىك زاتتاردى مىندەتتى تاڭبالاۋ ەنگىزىلگەننەن كەيىن تاڭبالاندى.
بۇل رەتتە دارىلىك زاتتاردىڭ 16 ملن قاپتاماسى تاڭبالانىپ، ءدارىحانالاردىڭ بولشەك ساۋدا جەلىسىنە ەنگىزىلدى، بۇل اقپاراتتىق جۇيەدە پرەپاراتتاردىڭ وندىرۋشىدەن تۇتىنۋشىعا دەيىنگى بۇكىل قوزعالىس جولىن باقىلاۋعا مۇمكىندىك بەرەدى، دەپ حابارلايدى aqshamnews.kz.
بىرەگەي Data Matrix كودىن قولداناتىن سيفرلىق تاڭبالاۋ پرەپاراتتىڭ بۇكىل ومىرلىك سيكلىن — وندىرۋشىدەن سوڭعى تۇتىنۋشىعا دەيىن باقىلاۋعا مۇمكىندىك بەرەدى.
كودتا ماڭىزدى اقپارات بار: پرەپاراتتىڭ اتاۋى، سەرياسى، ءوندىرۋشى تۋرالى دەرەكتەر، جارامدىلىق مەرزىمى جانە باسقا مالىمەتتەر. بۇل زاڭسىز اينالىم مۇمكىندىگىن جويادى جانە تۇتىنۋشىلاردى ساپاسىز جانە جالعان دارى-دارمەكتەردەن قورعاۋدى قامتاماسىز ەتەدى.
بۇگىنگى تاڭدا دارىلىك زاتتار اينالىمىنىڭ بارلىق قاتىسۋشىلارى تاڭبالاۋدى ەنگىزۋ بويىنشا جۇمىستى اياقتادى، اتاپ ايتقاندا:
● 19 وتاندىق ءوندىرۋشى؛
● 278 كوتەرمە ساۋدا سۋبەكتىسى؛
● 3 169 ءدارىحانا جانە بولشەك ساۋدا نۇكتەسى.
دەنساۋلىق ساقتاۋ مينيسترلىگى تاڭبالانعان پرەپاراتتاردىڭ قوزعالىسىن باقىلاۋدى جالعاستىرۋدا، ولاردىڭ ومىرلىك سيكلىنىڭ بارلىق كەزەڭدەرىندە باقىلاۋدى قامتاماسىز ەتەدى.
2024 جىلعى 1 شىلدەدەن باستاپ قازاقستاندا بارلىق دارىلىك زاتتاردى مىندەتتى سيفرلىق تاڭبالاۋ ەنگىزىلدى. بۇل شارا كونترافاكتىلىك ونىمدەرمەن كۇرەسۋگە جانە دارى-دارمەكتەر نارىعىنىڭ اشىقتىعىن ارتتىرۋعا باعىتتالعان.
سيفرلىق تاڭبالاۋ - بۇل ازاماتتاردىڭ دەنساۋلىعىن ساقتاۋعا جانە قازاقستان نارىعىندا دارىلىك زاتتاردىڭ ساپاسىنا دەگەن سەنىمدى ارتتىرۋعا جاسالعان ماڭىزدى قادام.
قازاقستاندا ءدارىحانالارعا كومەك كورسەتۋ ءۇشىن NS Pharm تەگىن موبيلدىك قوسىمشاسى ازىرلەنگەنىن ەستەرىڭىزگە سالا كەتەيىك. بۇل تاڭبالانعان تاۋارمەن جۇمىس ىستەۋدى جەڭىلدەتەدى جانە پروسەستى ءتىپتى شاعىن ءدارىحانالار، سونىڭ ىشىندە اۋىلدىق جانە شالعاي اۋداندار ءۇشىن دە قولجەتىمدى ەتەدى. فارماسيەۆتيكالىق بيزنەسكە ارنالعان بۇل زاماناۋي سيفرلىق شەشىم بارلىق زاڭنامالىق تالاپتارعا سايكەس كەلەدى، جابدىققا ارنالعان شىعىستاردى ازايتادى جانە كۇردەلى IT-قولداۋدىڭ قاجەتتىلىگىن جويادى.