قازاقستاندا كوشى-قون زاڭناماسىن بۇزۋشىلىق ءالى ورىن الۋدا
پاندەمياعا بايلانىستى قازاقستان اۋماعىندا ءوز ەلىنە ورالا الماعان مىڭداعان شەتەلدىكتەر بولدى.
ءىىم كوشى-قون قىزمەتىنىڭ كومەگىمەن بۇل ادامدارعا قۇجاتتاردى رەسىمدەۋگە كومەك كورسەتىلدى. جىل باسىنان بەرى پوليسيا قىزمەتكەرلەرى بەس مىڭنان استام ميگرانتقا، ءتولقۇجاتتارىنىڭ مەرزىمى وتكەن 956 شەتەلدىككە ءوز ەركىمەن كەتۋگە كومەكتەستى، دەپ حابارلادى Almaty-akshamy.kz. ق ر ىشكى ىستەر مينيسترلىگىنىڭ سايتىنداعى حابارعا سىلتەمە جاساپ.
سونىمەن قاتار، بارلىق شەتەلدىكتەر قازاقستانداعى جاعدايىن رەتتەۋ مۇمكىندىگىن پايدالانعان جوق نەمەسە ءوز ەركىمەن ەلدەن كەتتى.
كوشى-قون زاڭناماسىن قاساقانا بۇزعان ادامداردى انىقتاۋ ماقساتىندا 7 ماۋسىمنان باستاپ ەل اۋماعىندا “ميگرانت” جەدەل الدىن الۋ ءىس-شاراسى وتكىزىلدى.
پوليسيا قىزمەتكەرلەرى شەتەل ازاماتتارى كوبىرەك شوعىرلانعان جەرلەرگە تەكسەرۋ جۇرگىزدى، تۇرعىن ءۇي سەكتورى، قۇرىلىس نىساندارى، بازارلار، اۆتوكولىكتەر تەكسەرىلىپ، شەتەلدىك ازاماتتاردىڭ جالدامالى ەڭبەگىن زاڭسىز پايدالاناتىن ۇيىمدار مەن جۇمىس بەرۋشىلەر پىسىقتالدى.
وپەراسيا كەزىندە كوشى-قون زاڭناماسىن 13 467 بۇزۋشىلىق انىقتالدى.
ونىڭ ىشىندە:
• 10 055 شەتەلدىكتەردىڭ ەلدە بولۋ مەرزىمدەرىن بۇزۋى؛
• 3 316 شەتەلدىكتىڭ ەڭبەك قىزمەتىن زاڭسىز جۇزەگە اسىرۋ فاكتىلەرى؛
• شەتەلدىك جۇمىس كۇشىن زاڭسىز پايدالانعانى ءۇشىن 702 جۇمىس بەرۋشى تارتىلدى؛
• كەلگەن شەتەلدىكتەر تۋرالى ءىىو-نا ۋاقتىلى حابارلاماعانى ءۇشىن 5 233 جەكە جانە زاڭدى تۇلعالار جاۋاپقا تارتىلدى؛
• قايىرشىلىق ءۇشىن 62 شەتەلدىك جاۋاپقا تارتىلدى.
13 105 تمد ازاماتتارى، 362 الىس شەتەل ازاماتتارى جاۋاپقا تارتىلدى.
ەلدەن شىعارىپ جىبەرۋ تۋرالى 930 سوت شەشىمى شىعارىلدى.
سونىمەن قاتار ىزدەۋدە جۇرگەن 105 قىلمىسكەر ۇستالدى، ونىڭ 94 –ق ر، 11-تمد ازاماتتارى.
ماسەلەن، شىمكەنت قالاسىندا ەكى زاڭدى تۇلعانىڭ اۋماعىندا رۇقسات قۇجاتتارىنسىز ەڭبەك قىزمەتىن جۇزەگە اسىرعان 34 شەتەلدىك انىقتالدى. سەمەي قالاسىنداعى كوپ قاباتتى تۇرعىن ءۇيدىڭ قۇرىلىس وبەكتىسىنەن قاجەتتى قۇجاتتارسىز جۇمىس ىستەيتىن 16 شەتەلدىك تابىلدى.
قازىرگى ۋاقىتتا اتالعان فاكتىلەر بويىنشا اكىمشىلىك ىستەر قوزعالدى جانە ءىس ماتەريالدارى شارالار قابىلداۋ ءۇشىن سوتقا جولداندى.
وپەراسيا كەزىندە پوليسيا قىزمەتكەرلەرى جىل باسىنان بەرى شىعارىپ جىبەرۋ تۋرالى سوت شەشىمىن ورىنداۋدان جالتارعان 210 شەتەلدىكتى ەلدەن ماجبۇرلەپ شىعاردى.
شىعارىپ جىبەرۋگە جۇمسالعان قاراجات شەتەلدىكتى شاقىرعان نە كوشىپ كەلۋشىنىڭ قازاقستاندا زاڭسىز بولۋ فاكتىسى انىقتالعان كەزدە ونىڭ ەڭبەگىن پايدالانعان جەكە نەمەسە زاڭدى تۇلعالارعا پوليسيانىڭ تالاپ-ارىزدارى بويىنشا سوت تارتىبىمەن وتەلەتىن بولادى.
ءىىم كوشى-قون قىزمەتى كوشى-قون زاڭناماسىن بۇزۋشىلىقتاردى انىقتاۋ بويىنشا جۇمىستى جالعاستىرۋدا.