«ادال ازامات» باعدارلاماسى شەڭبەرىندە ازىرلەنگەن ءبىرىڭعاي ديزاين-كودپەن 100-گە جۋىق ءبىلىم ورداسى جاڭارىپ، ۇلتتىق بولمىس پەن زاماناۋي ستيل ۇيلەسىم تاپتى، - دەپ حابارلايدى Aqshamnews.kz.
وقۋ-اعارتۋ مينيسترلىگىنىڭ مالىمەتىنشە، ءبىرىڭعاي ديزاين-كود – تەك قابىرعالاردى بەزەندىرۋ ۇلگىسى ەمەس، تاربيەلەۋدىڭ جاڭا تەتىگى. وندا ۇلتتىق ناقىشتاعى ويۋ-ورنەكتەر مەن زاماناۋي كوركەم شەشىمدەر ۇيلەسىم تاپقان. مەكتەپ قابىرعالارى قازاقستان تابيعاتىنىڭ سۇلۋلىعىن، تاريحي تۇلعالاردىڭ بەينەسىن، ۇلى ويشىلداردىڭ قاناتتى سوزدەرىن بەينەلەيتىن مۋرالدارمەن تولىقتىرىلادى. سونداي-اق، ورتاق شريفت، ءتۇس جانە ناۆيگاسيا جۇيەسى قاراستىرىلىپ، مەكتەپ كەڭىستىگى ءبىرىڭعاي ەستەتيكالىق جانە تاربيەلىك باعىتتا جاڭعىرتىلۋدا.
كەڭىستىك وقۋشىلاردىڭ جاس ەرەكشەلىگىنە ساي جاسالعان: باستاۋىش سىنىپتاردا – مەيىرىم مەن پاتريوتتىق تاربيەگە، ورتا جانە جوعارى بۋىندا – پاندىك تەرەڭدىك پەن زەرتتەۋشىلىك مادەنيەتكە باسىمدىق بەرىلەدى.
جاڭا ديزاين-كود الدىمەن «كەلەشەك مەكتەپتەردە»، كەيىن رەنوۆاسيا جوسپارلانعان 1300 مەكتەپتە جۇزەگە اسىرىلادى.