قازاقستان ۋكرايناعا گۋمانيتارلىق كومەك جىبەردى

گۋمانيتارلىق كومەك الماتى اۋەجايىنان ەكى رەيسپەن جىبەرىلەدى

بۇگىن، 2022 جىلعى 14 ناۋرىزدا، الماتى قالاسىنىڭ اۋەجايىنان حالىقارالىق گۋمانيتارلىق كومەك ماسەلەلەرى جونىندەگى كوميسسيا وتىرىسىنىڭ حاتتاماسىن، سونداي-اق قازاقستان رەسپۋبليكاسى پرەزيدەنتىنىڭ تاپسىرماسىن ورىنداۋ ءۇشىن ق ر دەنساۋلىق ساقتاۋ مينيسترلىگى ۋكرايناعا گۋمانيتارلىق كومەك جىبەردى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

ۋكراينا ازاماتتارىنا گۋمانيتارلىق كومەك 2022 جىلعى 14 جانە 15 ناۋرىزدا الماتى قالاسىنىڭ اۋەجايىنان ەكى رەيسپەن جىبەرىلەتىن بولادى.
ق ر ۇكىمەتى جانىنداعى حالىقارالىق گۋمانيتارلىق كومەك كورسەتۋ ماسەلەلەرى جونىندەگى كوميسسيا ۋكراينا حالقىنا مەديسينالىق پرەپاراتتار پارتياسىن ءبولۋ تۋرالى شەشىم قابىلدادى.

قازاقستان باسقا مەملەكەت تاراپىنان رەسمي وتىنىشكە جاۋاپ رەتىندە گۋمانيتارلىق كومەك كورسەتەدى. ۋكراينا تاراپىنان وسىنداي ءوتىنىش تۇسكەن سوڭ، پرەزيدەنت قاسىم-جومارت توقايەۆ ۋكراين حالقىنا شۇعىل گۋمانيتارلىق كومەك كورسەتۋ جونىندە ناقتى تاپسىرما بەردى.

ۋكراينا اۋماعىنا جۇكتەردى ءقاۋىپسىز جەتكىزۋ ءۇشىن قازاقستان ۇكىمەتى ۋكرايناعا حالىقارالىق گۋمانيتارلىق كومەك الۋ جانە تاراتۋ ءۇشىن حابتار ورنالاستىرىلعان كورشى مەملەكەتتەرمەن كەلىسىمگە كەلدى.

«وسىلايشا، ق ر دەنساۋلىق ساقتاۋ مينيسترلىگى جانە ق ر يندۋستريا جانە ينفراقۇرىلىمدىق دامۋ مينيسترلىگىمەن بىرلەسىپ، الماتى - كاتوۆيسە (پولشا) باعىتى بويىنشا گۋمانيتارلىق جۇكتى اۋە كەمەسىمەن جەتكىزۋ ماسەلەسىن قاراستىردى. گۋمانيتارلىق كومەكتىڭ جالپى سالماعى 28،2 توننانى قۇرايدى، وعان 17 دارى-دارمەك كىرەدى: انتيبيوتيكتەر، قابىنۋعا قارسى، جوتەلگە قارسى جانە انتيگيپەرتەزيۆتى پرەپاراتتار»، - دەلىنگەن حابارلامادا.