قازاقستان ۇكىمەتى بيزنەس ءۇشىن كارانتيندىك شەكتەۋلەردى جەڭىلدەتۋدى كوزدەپ وتىر

بيزنەستىڭ جۇمىسىنا بوگەت جاسالماۋ كەرەك.

ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميولوگيالىق جاعداي قارالدى، دەپ حابارلايدى Almaty-akshamy.kz Primeminister.kz سايتىنا cىلتەمە جاساپ.

دەنساۋلىق ساقتاۋ ءمينيسترى اجار عينيات ەلدەگى سانيتارلىق-ەپيدەميولوگيالىق احۋالدىڭ ناشارلاعانى تۋرالى باياندادى. وڭىرلەردە كوروناۆيرۋس ينفەكسياسى ءالى دە ءورشىپ تۇر. «سارى» ايماقتا ورنالاسقان تۇركىستان وبلىسىنان باسقا بارلىق وڭىرلەر «قىزىل» ايماقتا.

ۆيرۋستىڭ ەڭ كوپ تارالۋى اقمولا، قاراعاندى، پاۆلودار وبلىستارىندا جانە ەلوردادا تىركەلىپ وتىر.

پرەمەر-مينيستر ەلدەگى سانيتارلىق-ەپيدەميولوگيالىق جاعدايدى ءارى قاراي باقىلاۋدا ۇستاۋدى تاپسىردى. سونىمەن قاتار مەملەكەت باسشىسىنىڭ العا قويعان مىندەتىنە سايكەس، كارانتيندىك شەكتەۋلەردى بيزنەس ءۇشىن جەڭىلدەتە وتىرىپ، قايتا قاراۋ تاپسىرىلدى.

«بيزنەستىڭ جۇمىسىنا بوگەت جاساماي، تۋىنداعان پروبلەمالاردى بىرلەسىپ شەشۋىمىز كەرەك»، — دەدى ءاليحان سمايىلوۆ.

ۇكىمەت باسشىسى دەنساۋلىق ساقتاۋ مينيسترلىگى مەن اكىمدىكتەرگە ۆاكسينالاۋ جانە ريەۆاكسينالاۋ جۇمىستارىن كۇشەيتۋدى تاپسىردى.