نەگىزگى ماقسات - وتاندىق تاۋارلارمەن الماستىرۋ.
قازاقستان پرەمەر-مينيسترىنىڭ ورىنباسارى ەرالى توعجانوۆ «حالىقتىڭ تابىسىن ارتتىرۋ» باعدارلاماسىن تانىستىرۋ بارىسىندا يمپورتقا تاۋەلدىلىكتى قالاي جابۋعا بولاتىنىن ايتتى، دەپ حابارلايدى Almaty-akshamy.kz.
«يمپورتتالاتىن ازىق-تۇلىك تاۋارلارىن 100% وتاندىق تاۋارلارمەن الماستىرۋ جوباسى نەگىزگى ماقسات ەتىپ قويىلىپ وتىر. بۇگىنگى كۇننىڭ ىشىندە 80% دەڭگەيىندە ءوزىمىزدى قامتاماسىز ەتۋگە مۇمكىندىگىمىز بار، قالعان 20%-ىن سىرتتان اكەلۋگە ءماجبۇرمىز. 2025 جىلعا دەيىن قالعان 6 تاۋار بويىنشا يمپورتقا تاۋەلدىلىگىمىزدى تولىقتاي جابۋعا مۇمكىندىگىمىز بولادى، تەك قانت دەڭگەيى 80% كولەمىندە قالادى»،- دەدى ەرالى توعجانوۆ.
جوسپارعا سايكەس، 2024 جىلدىڭ سوڭىنا دەيىن ءسۇت-تاۋار فەرمالارىن، ەت كومبيناتتارىن، قۇس فابريكالارىن جانە باسقا دا وندىرىستەردى ىسكە قوسۋ ەسەبىنەن ازىق-تۇلىك ونىمدەرىنىڭ يمپورتىن الماستىرۋ 100% قامتاماسىز ەتىلەدى.