بايقاۋدا جەڭىسكە جەتكەن قالامگەر ءومىر بويى اي سايىن 500 دوللار سىياقى الىپ وتىرادى.
بايقاۋ وسىمەن 4-رەت ۇيىمداستىرىلىپ وتىر، دەپ حابارلايدى aqshamnews.kz.
بيىل فينالعا 6 قولتاڭبا ءوتىپ، mecenat.kz سايتىندا حالىق اراسىندا داۋىسقا سالىندى. باس جۇلدە «تۋرگەنيەۆ كوشەسىندەگى ءۇي جۇمىسقا قابىلدايدى» اتتى رومانى ءۇشىن جاس قالامگەر ءاليحان جاقسىلىققا بۇيىردى. فەنتەزي جانرىنداعى شىعارمادا قالانىڭ قاۋىرت تىرشىلىگىندەگى ادامداردىڭ سان ءتۇرلى تاعدىرى باياندالادى.
ءاليحان جاقسىلىق، جازۋشى، ۇزدىك رومان اۆتورى:
داۋىس بەرۋدىڭ ەرەكشەلىگى - بيىل وقىرمان 1-1،5 مينۋت رەسەنزيا جازۋى كەرەك بولدى. ءوزىنىڭ وقىعان رومانى تۋرالى كەز كەلگەن وقىرمان ايتۋى مۇمكىن، ءبىراق ءبىر بەتتىك رەسەنزيا جازۋعا ءبارى بىردەي اتسالىسا بەرمەيدى. اۆتور مەن وقىرمان اراسىندا ەرەكشە بايلانىس بولدى. سونىڭ ارقاسىندا جەڭدىم.