بۇل تۋرالى ەلىمىزدىڭ دەنساۋلىق ساقتاۋ ءمينيسترى مالىمدەدى، دەپ حابارلايدى Almaty-akshamy.kz Qazaqtv.com سىلتەمە جاساپ.
اجار عينيات ەپيدەميولوگيالىق كورسەتكىشتەردىڭ ايتارلىقتاي جاقسارۋىنا رەسپۋبليكادا تۋبەركۋلەزدى انىقتاۋدىڭ، دياگنوستيكالاۋدىڭ، ەمدەۋدىڭ جانە جاڭا الەمدىك ادىستەمەلەرىن ەنگىزۋدىڭ، تۋبەركۋلەزگە قارسى پرەپاراتتارمەن ورتالىقتاندىرىلعان قامتاماسىز ەتۋدىڭ ارقاسىندا قول جەتكىزىلدى، دەدى.
«ەلىمىزدە تۋبەركۋلەزبەن اۋىراتىن ناۋقاستاردى ەمدەۋدىڭ تيىمدىلىگى الەمدەگى ەڭ جوعارى كورسەتكىشتەردىڭ ءبىرى بولىپ تابىلادى جانە 2021 جىلى سەزىمتال تۋبەركۋلەزبەن اۋىراتىن ناۋقاستاردىڭ اراسىندا 85،9%-دى، ددۇ ستاندارتىندا – 85%-دى جانە دارىلىك تۇراقتىلىقتا - 80،2% - دى، ددۇ ستاندارتىندا - 75%-دى قۇرادى»، - دەدى ق ر دەنساۋلىق ساقتاۋ ءمينيسترى اجار عينيات.
جالپى، سوڭعى 20 جىلدا قازاقستاندا تۋبەركۋلەزبەن سىرقاتتانۋشىلىق كورسەتكىشى 4 ەسەدەن استامعا، ءولىم-جىتىم 15،5 ەسەگە تومەندەگەن. دۇنيەجۇزىلىك دەنساۋلىق ساقتاۋ ۇيىمىنىڭ باعالاۋى بويىنشا، الەمدە جىل سايىن 10 ملن-عا جۋىق ادام تۋبەركۋلەزبەن اۋىرىپ، 1،5 ملن ادام قايتىس بولادى.