تۇركى مەملەكەتتەرى ۇيىمىنىڭ (تمۇ) 11ء-شى ءسامميتى قارساڭىندا قازاقستان رەسپۋبليكاسى پرەمەر-مينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ تمۇ سىرتقى ىستەر مينيسترلەرى كەڭەسىنىڭ وتىرىسىنا قاتىستى.
ءسىم باسشىسى ءوز سوزىندە قازاقستاننىڭ «TURK TIME!» ۇرانىمەن وتكەن تمۇ-داعى ءتوراعالىعىنىڭ ناتيجەلەرىن قورىتىندىلادى، ونىڭ اياسىندا 80-نەن استام ءىس-شارا وتكىزىلدى، دەپ حابارلايدى aqshamnews.kz.
ول سونداي-اق ۇيىمنىڭ حالىقارالىق ارەناداعى ءوسىپ كەلە جاتقان جانە بىرىكتىرەتىن ءرولىن اتاپ ءوتتى.
ق ر سىرتقى ىستەر ءمينيسترى تمۇ-عا مۇشە ەلدەردىڭ ساۋدا، ينۆەستيسيالار، كولىك جانە اۋىل شارۋاشىلىعى سالالارىنداعى جەتىستىكتەرىن ەرەكشە اتاپ، ۇيىم شەڭبەرىندەگى ءوزارا ءتيىمدى ىنتىماقتاستىقتىڭ پەرسپەكتيۆالىق باعىتتارىن بەلگىلەدى.
وتىرىس بارىسىندا تمۇ سامميتىنە دايىندىق بارىسى تالقىلاندى، سونداي-اق وسى ءىس-شارا شەڭبەرىندە قول قويۋعا جوسپارلانعان قۇجاتتاردىڭ جوبالارى بەكىتىلدى.
تۇركى مەملەكەتتەرى ۇيىمى (تمۇ) قازاقستاننىڭ باستاماسىمەن 2009 جىلى ناحچىۆان قالاسىندا (ازەربايجان) قۇرىلدى. تمۇ حاتشىلىعى ىستانبۇل قالاسىندا (تۇركيا) ورنالاسقان. قازىرگى ۋاقىتتا ۇيىمعا ازەربايجان، قازاقستان، قىرعىزستان، تۇركيا جانە وزبەكستان مۇشە. ماجارستان مەن تۇرىكمەنستان بايقاۋشى مارتەبەسىنە يە.