قازاقستان تاريحىن تانۋدىڭ جاڭا مۇمكىندىگى.
اتىراۋدا كەز كەلگەن ادام سارايشىق قالاشىعى مەن مۇراجاي-قورىعى، حيۋاز دوسپانوۆا، جۇمەكەن ناجىمەدەنوۆ جانە دينا نۇرپەيىسوۆانىڭ ەسكەرتكىشتەرى تۋرالى QR-كودتار ارقىلى بىلە الادى، دەپ حابارلايدى Almaty-akshamy.kz.
ايتا كەتەيىك، ءوڭىردىڭ مادەني مۇراسىن سيفرلاندىرۋ جوباسىنا جەرگىلىكتى بيۋدجەتتەن 15 ملن تەڭگەگە جۇمسالدى. ءقازىر وبلىستا رەسپۋبليكالىق ماڭىزى بار 4 جانە جەرگىلىكتى دەڭگەيدەگى 300-دەن استام تاريحي-مادەني ەسكەرتكىش بار.
«بەس تىلدە اقپارات الا الادى. ياعني قازاقشا، ورىسشا، اعىلشىنشا، تۇرىكشە جانە جۇڭگو تىلدەرىندە. بۇل اقپاراتتى وقۋ جانە اۋديوجازبا تىڭداۋ ارقىلى جانە 3D تۋر جۇرگىزۋ ارقىلى اقپاراتتار بەرىلەدى. بۇل باسقا وبلىستاردان، شەتەلدەن كەلگەن تۋريستەرگە وتە ىڭعايلى جوبا»، - دەيدى وبلىستىق كاسىپكەرلىك جانە تۋريزم باسقارماسىنىڭ ءبولىم باسشىسى ءاليما رامازانوۆا.
ال پاۆلوداردا بەلگىلى اقىن-جازۋشىلاردىڭ، قوعام قايراتكەرلەرىنىڭ ادەبي مۇراسى بارىنشا ناسيحاتتالۋدا. بەلگىلى تاريحي تۇلعالار جايلى اقپارات ايالدامالارعا ورنالاستىرىلعان. جالپى، مۇنداي شاعىن مۇراجايلاردى 40-تان استام وسى سىندى جەرلەردە ۇيىمداستىرۋ كوزدەلگەن. جوبا اۆتورلارى وسىلايشا قالا تۇرعىندارىن قازاقستان تاريحىنا ەلەۋلى ۇلەس قوسقان ءبىرتۋار تۇلعالاردىڭ تاعلىمدى ءومىرى جانە شىعارماشىلىعىمەن ەتەنە تانىستىرۋدى مىسە تۇتقان.
«بۇل جەردەگى ەڭ كەرەمەت دۇنيە، كەز كەلگەن تۇرعىن ايالدامادا اۆتوبۋستى كۇتە تۇرىپ، وسى ەلگە، وسى دالاعا قىزمەت ەتكەن، وسى دالا ءۇشىن وزدەرىنىڭ بارىن سالعان ازاماتتاردى تاني تۇسەدى»، - دەدى وبلىستىق مادەنيەت جانە ءتىلدىردى دامىتۋ، ارحيۆ ىستەرى باسقارماسى باسشىسىنىڭ م.ا مەدەت تاۋاسقان.